අරගලකරුවන් අතින් විනාශ වූ බව කියන ජනාධිපති මන්දිරය ඇතුළු කොළඹ නගරයේ මන්දිර වල දේපළ සම්බන්ධයෙන් විගණනයක් ආරම්භ කිරීමට රජයේ අවධානය යොමු වී ඇතැයි වාර්තා වනවා.
ජනාධිපති මන්දිරය සහ අරලියගහ මන්දිරයේ පෞරාණික දේපළ රැසක් විනාශ වී ඇති බව පුරාවිද්යා දෙපාර්තමේන්තුවේ නිලධාරීන් පසුගියදා ප්රකාශ කළා. මෙම ක්රියාවන්ට සම්බන්ධ වූ පුද්ගලයන්ට එරෙහිව පුරාවිද්යා ආඥා පනත යටතේ නඩු පැවරීමටද අවශ්ය පියවර ගෙන ඇතැයි රජයේ ආරංචි මාර්ග පවසනවා.
මන්දිරවල තිබී විනාශ වූ දේපළ අතර පෞරාණික වටිනාකම් සහිත භාණ්ඩ රැසක් තිබූ බවයි ඔවුන් පවසන්නේ.
කෙසේ නමුත් මන්දිර වල වෙසෙන දේශපාලඥයන්ගේ ක්රියාකලාපය හේතුවෙන් මිය ගිය, දුක් විඳි ජනතාවට සිදු වූ අලාභය පිළිබඳව කිසිවෙකු සොයා බැලීමක් සිදු නොකරන බවයි සමාජ මතය වී ඇත්තේ.
මේ අතර, නියමිත කාලයට පෙර ඉවත්ව ගිය ද හිටපු ජනාධිපති ගෝඨාභය රාජපක්ෂ මහතාට විශ්රාම ගිය ජනාධිපතිවරයෙකු සතු වරප්රසාද හිමිවන බව ජනාධිපති නීතිඥ ජයතිස්ස ද කොස්තා පවසනවා.
1986 අංක 4 දරන ජනාධිපතිවරයා ගේ හිමිකම් පිළිබඳ පනතේ හිටපු ජනාධිපතිවරයෙකු සඳහා හිමිවන වරප්රසාද සඳහන් වන අතර එහි ඔහු රැඳී සිටිය යුතු ධූර කාලයේ පිළිබඳව කිසිදු සඳහනක් නොකෙරෙන බවයි කොස්තා පෙන්වා දෙන්නේ.
ඒ අනුව හිටපු ජනාධිපතිවරයාට සහ ඔහුගේ බිරිඳට විශ්රාමික ජනාධිපතිවරකුට සහ ඔහුගේ බිරිඳට හිමිවන වරප්රසාද හිමි වනු ඇති බවයි ජනාධිපති නීතිඥ ආචාර්ය ජයතිස්ස ද කොස්තා වැඩි දුරටත් සඳහන් කරන්නේ.