රජයේ ලියාපදිංචි සියලු ව්‍යාපාරිකයන් සඳහා විදේශිකයන්ට බීර සහ වයින් අලෙවි කිරීමේ බලපත්‍රයක් ලබා දීමට කටයුතු කරන බව සංචාරක අමාත්‍ය හරීන් ප්‍රනාන්දු පවසනවා.
ඒ අනුව අදාළ ව්‍යාපාරිකයන් සතු ව්‍යාපාරික ස්ථානවල බීර හා වයින් අලෙවි කිරීමට අවසර හිමිවනු ඇති.
මීට අදාළ ගැසට් පත්‍රය සඳහා ඊයේ දිනයේ තමන් අත්සන් කළ බවයි අමාත්‍ය හරීන් ප්‍රනාන්දු මහතා පවසන්නේ.
සංචාරක ක්ෂේත්‍රය ප්‍රවර්ධනය කිරීම සඳහා සිල්ලර කඩ වැනි ස්ථානවලද බීර අලෙවි කිරීමට පසුගිය යහපාලන රජය සමයේදී එවක මුදල් අමාත්‍ය මංගල සමරවීර මහතා අවසර ලබාදුන්නද හිටපු ජනාධිපති මෛත්‍රිපාල සිරිසේන මහතාගේ අම්‍යප ප්‍රතිපත්තිය හේතුවෙන් එම තීරණය අවලංගු කෙරුණා.
කෙසේවෙතත් මෛත්‍රිපාල සිරිසේන මහතාගේ දියණියවන චතුරිකා සිරිසේන මහත්මියට යහපාලන රජය සමයේ මත්පැන් අලෙවි කිරීම සඳහා බලපත්‍රයක් නිකුත් කර තිබීමද විශේෂත්වයක්.
