කොළඹ වරාය ආසන්නයේ ගිනි ගැනීමට ලක්වූ රසායන ද්‍රව්‍ය ප්‍රවාහන එක්ස්ප්‍රස් පර්ල් නෞකාව් ගින්න පැතිරීම වේගවත් වී ඇති බව සමුද්‍රීය පරිසර ආරක්ෂණ අධිකාරිය ප්‍රකාශ කරනවා.
එහි සාමාන්‍යාධිකාරි ආචාර්ය ටර්නි ප්‍රදීප් කුමාර මහතා පවසන්නේ ඒ සම්බන්ධයෙන් සොයා බැලීමට සමුද්‍රීය පරිසර ආරක්ෂණ අධිකාරියේ පරීක්ෂණ කණ්ඩායමක් අද (22) දිනයේදී නෞකාව වෙත ළගා වූ බවයි. එසේම, නෞකාවේ හටගත් ගින්න හේතුවෙන් නෞකාව අවට සාගර කලාපයට යම් බලපෑමක් සිදුව ඇති බව ද ඔහු කියා සිටියා.
මේ අතර, එක්ස්ප්‍රස් පර්ල් නෞකාවේ හට ගෙන ඇති ගින්න නිවීමේ කටයුතු තවදුරටත් ක්‍රියාත්මකයි. ඒ සඳහා ශ්‍රී ලංකා වරාය අධිකාරියට අයත් ටග් යාත්‍රා 3 ක්, මෙන්ම නාවික හමුදාවට අයත් ඩෝරා යාත්‍රාවක් ද එක් කර තිබෙනවා. මෙහෙයුමට ශ්‍රී ලංකා ගුවන් හමුදාවද ඊයේ (21) එක්වූ අතර, බෙල් 212 වර්ගයේ හෙලිකොප්ටර් යානයක් ඒ සඳහා යොදවනු ලැබුවා. එමඟින් ගිනි නිවීමේ වියලි රසායනික ද්‍රව්‍ය කිලෝග්‍රෑම් 425 ක් සාර්ථකව නෞකාව මතට හෙලූ බවයි ගුවන් හමුදා මාධ්‍ය අධ්‍යක්ෂවරයා නිවේදනය කරන්නේ.
සබැඳි පුවත්..
