මෙරට හිටපු විදේශ අමාත්යවරයෙකු මෙන්ම මුදල් අමාත්යවරයෙකු ද වන මංගල සමරවීර මහතාගේ වියෝවෙන් තමා දැඩි සේ කම්පාවට පත්වූ බව USAID හි පරිපාලන ප්රධානී සමන්තා පවර් පවසනවා.
ට්විටර් පණිවිඩයක් නිකුත් කරමින් ඇය පවසන්නේ ඔහු තමා දැඩි සේ ඇලුම් කළ මිතුරෙකු බවයි.
ඇය තැබු සටහන පහතින්
“මංගල දේශපාලනයට පිවිසියේ කුරිරු සිවිල් යුද්ධයක් පවතින සමයකයි. ඒ ඔහු සියළුම ශ්රී ලාංකිකයින් සඳහා සාමය, සමගිය සහ ගෞරවය ලබාදීම ගැන සිහින මැවූ බැවිනි. ශ්රී ලංකාවේ අතුරුදහන් වූවන් පිළිබඳ තොරතුරු සොයා බැලූ “මව්වරුන්ගේ පෙරමුණ” ආරම්භ කිරීමටද ඔහු දායක විය.
මංගල යුක්තිය සහ සංහිඳියාව වෙනුවෙන් සටන් කළේය. විදේශ ඇමති වශයෙන් ඔහු අතුරුදහන් වූවන් පිළිබඳ කාර්යාලය පිහිටුවීමට සහ යුද්ධයෙන් විපතට පත් වූවන්ට සහ දිවි ගලවා ගත් අයට වන්දි ගෙවීම සඳහා මැදිහත් විය. මුදල් ඇමතිවරයා වශයෙන් ඔහු යුද්ධයෙන් පසු අන්ත අසරණ වූ පවුල් විසින් ලබා ගත් ණය සඳහා ණය සමාවක් දීමට කටයුතු කළේය.
මංගලට අවශ්ය වූයේ ශ්රී ලංකාව ලෝකයට විවෘත කිරීමට ය. එමෙන්ම, එක්සත් ජනපදය හා ශ්රී ලංකාව අතර සබඳතා ශක්තිමත් කර ගැනීමට ඔහු සමඟ කටයුතු කිරීමට හැකිවීම ගැන ගැන මම කෘතඥ වෙමි. ඔහු මා දන්නා ඉතාමත් කැපී පෙනෙන රාජ්ය සේවකයෙකු වන අතර ඉතා ගැඹුරු අදහස් ඇත්තෙකි. ඔහුගේ ඥානවන්ත උපදෙස්, අතිමහත් ඥානය සහ මිත්රත්වය යන දුර්ලභ ත්යාගයන් ඔහුගේ වියෝවත් සමඟ මට මග හැරෙනු ඇත.”