වත්මන් රජය බලයට ගෙන ඒම උදෙසා යම් කාර්‍යභාරයක් සිදු කළ නමුත් රජයේ සෑම ක්‍රියාකාරකමක්ම සාධාරණීකරණය කිරීමට සූදානම් නොමැති බව ජනප්‍රිය සංගීත ශිල්පී ඉරාජ් වීරරත්න පවසනවා.
ඒ, සිය ඉල්ලා අස්වීම සම්බන්ධයෙන් යූ ටියුබ් නාලිකාවක් සමඟ අදහස් දක්වමින්.
තමන්ගේ ඉල්ලා අස්වීම පිළිබඳව මීට මාස ගණනාවකටම පෙර තමන් අමාත්‍ය නාමල් රාජපක්ෂ මහතාට දැනුම් දී තිබූ බවත් ජනාධිපතිවරයා වෙනුවෙන් යම් කාර්‍යභාරයක් ඉටු කළ නමුත් තමන්ට විවේකයක් අවශ්‍ය බව තමන් නාමල් රාජපක්ෂ මහතාට පැවසූ බවත් ඔහු පවසනවා.
රටේ ඒ කාලේ තිබ්බ තත්ත්වෙ එක්ක අපිට තිබ්බ ඔප්ෂන් එක වෙනුවෙන්, වෙනසක් වෙනුවෙන් අපි පෙනී සිටියා. එහෙමයි කියලා. එහෙමයි කියලා ආණ්ඩුවෙන් පිස්සු කෙළිනකොට අපිට වගකියන්න බෑ.
මේ අතර තමන්ට පහරදීමක් සම්බන්ධයෙන් පලවන වාර්තාද ඔහු සම්පූර්ණයෙන්ම ප්‍රතික්ෂේප කර සිටින අතර වත්මන් කොවිඩ් තත්වය නිසා තමන් නිවසෙන්වත් බැහැර නොවූ බව අවධාරණය කර සිටිනවා.
තමන්ට මෙම අවලාද නගන්නේ 3% පිරිස (ජනතා විමුක්ති පෙරමුණ) බවයි ඔහු පවසන්නේ.
