පොදු මගී ප්රවාහන සේවාවවන්ට සී.සී.ටී.වී. කැමරා පද්ධති සවි කිරීම මගින් කාන්තා අතවරයන් සිදුවීම නතර කළ හැකි බවට පාර්ලිමේන්තු මන්ත්රිනී ගීතා කුමාරසිංහ මහත්මිය පවසනවා.
ඒ, ඊයේ (12) පස්වරුවේ බෙන්තොටදී පැවති මාධ්ය හමුවක් අමතමින්.
මේ වන විට කාන්තාවන්ට අතවර කරන පොලිසියක් බිහිව ඇති බවද, පැමිණිල්ලක් කිරීමට මව සමඟ පොලිසියට ගිය දියණියටද අතවර කරන පොලිස් නිලධාරීන් සිටින බවද ඇය පවසා සිටිනවා.
එමෙන්ම, විරෝධතා ව්යාපාරවලදී කාන්තාවන් අත්අඩංගුවට ගැනීම පොලිස් පොලිස් නිලධාරිනියකගේ සහභාගීත්වයෙන් තොරව සිදුවන අවස්ථා ඇති බවත් කාන්තාවන්ට පහරදීම් වාර්තා වන බවත් ඇය පෙන්වා දෙනවා.
සෑම පැයකටම වරක්ම කාන්තාවන් ලිංගික අතවරයට ලක්වීම විශාල සමාජීය ඛේදවාචකයක් බව පෙන්වා දෙන ඇය වැඩිදුරටත් පෙන්වා දෙන්නේ මෙවැනි කාරණා සම්බන්ධයෙන් ජනාධිපතිවරයාගේ අවධානය යොමුවනු ඇති බවට විශ්වාස කරන බවයි.