සියලුම අත්යවශ්ය ආහාර ද්රව්ය තොග ප්රමාණවත්ව පවත්වාගෙන යමින් භාණ්ඩ හිඟයක් ඇති නොවීමට කටයුතු කරන ලෙස ජනාධිපති ගෝඨාභය රාජපක්ෂ නිලධාරීන්ට උපදෙස් ලබාදී තිබෙනවා.
භාණ්ඩ හිඟයක් මවාපාමින් මිල ඉහළ නැංවීමට ඇතැම් ව්යාපාරිකයන් සංවිධානාත්මකව දරණ උත්සාහය ඉන් වැළැක්විය හැකි බවයි ජනාධිපතිවරයා පෙන්වා දෙන්නේ.
තොග වෙළෙඳපොළට බෙදාහරින කෘෂි අස්වනු කොටසක් ග්රාමීය වෙළෙඳසැළට සෘජුවම ලැබීමට සැලැස්විය යුතු බවත් එමගින් සිදුවන ප්රවාහන වියදම අවමවීමෙන් ග්රාමීය පාරිභෝගිකයාට අඩු මිලකට භාණ්ඩ ලබාගැනීමටත්, ගොවියාට ඉහළ මිලක් ලබාගැනීමටත් හැකි වන බවත් ජනාධිපතිවරයා පවසනවා.
වෙළෙඳ, වාණිජ සහ ආහාර සුරක්ෂිතතාවයට අදාළව මුහුණදෙන අභියෝග සඳහා කඩිනම් විසඳුම් සලසා ගැනීම සම්බන්ධයෙන් කොටුව ජනාධිපති මන්දිරයේ පැවති සාකච්ඡාවේ දී ජනාධිපතිවරයා මේ බව සඳහන් කර තිබෙනවා.