නව කැබිනට් මණ්ඩලය අද (18) දිනයේදී දිවුරුම් දීමට නියමිත බව ආරංචිමාර්ග පවසනවා.
මෙම නව කැබිනට් මණ්ඩලය අමාත්‍යවරුන් 22 දෙනෙකුගෙන් සමන්විත වනු ඇති අතර එහිදී හිටපු ඇමතිවරුන්ට වඩා වැඩි ප්‍රතිශතයක් අලුත් මුහුණු කැබිනට් මණ්ඩලයට එක් කෙරුණු ඇති බවයි පැවසෙන්නේ.
රට තුළ පවතින දේශපාලන තත්වය අනුව ජනතාව හිටපු අමාත්‍ය මණ්ඩලයට ද දැඩි විරෝධයක් දක්වන නිසා ජ්‍යේෂ්ඨ කැබිනට් ඇමතිවරුන් රැසක්ම තමන්ට මෙවර තනතුරු අනවශ්‍ය බව කලින්ම ජනාධිපතිවරයාට දැනුම් දී ඇති බවත් ඒ අනුව, මෙතෙක් රාජ්‍ය අමාත්‍යවරුන් වශයෙන් කටයුතු කළ තරුණ දේශපාලකයින් රැසකට කැබිනට් තනතුරු හිමිවනු ඇති බවත් ආරංචිමාර්ග පවසනවා.
මේ අතර, කැබිනට් මණ්ඩලයේ ප්‍රධානියා ලෙසට අග්‍රාමාත්‍ය මහින්ද රාජපක්ෂ තවදුරටත් කටයුතු කිරීමට ඉඩ ඇති බව පැවසෙන අතර ජනාධිපතිවරයා ඉල්ලා අස්වීමේ සූදානමක් පිළිබඳව ද මෙතෙක් ප්‍රකාශ වී නෑ.
