වත්මන් අර්බුදයන් සඳහා විසඳුම් ලබාදෙන තෙක් කිසිඳු දේශපාලඥයෙක් සිය ආයතනයේ වැඩසටහන් සමඟ සම්බන්ධ කර නොගන්නා බවට නෙත් FM ආයතනය විසින් පෙරේදා (21) දින සිය ෆේස්බුක් පිටුවේ පල කර තිබූ අතර එම සටහනම එම ආයතනයේ ජ්යෙෂ්ඨ නියෝජ්ය සාමාන්යාධිකාරී නුවන් ලියනගේ ද සිය ෆේස්බුක් ගිණුමේ පලකර තිබුණා.
මේ සඳහා අර්බුදයන්ට මුහුණ දී සිටින ජනතාවගෙන් ලැබී තිබුණේ යහපත් ප්‍රතිචාරයි.
කෙසේ නමුත් අදාල මාධ්‍ය ආයතනයම අද දින අග්‍රාමාත්‍ය මහින්ද රාජපක්ෂ සමඟ විශේෂ සාකච්ඡාවක් සිදුකර තිබීම විමතියට කරුණක්.
නෙත් FM ආයතනය විසින් අර්බුදයන්ගෙන් මිරිකී සිටින ජනතාවගේ අවධානය ගැනීමට පමණක් එවැනි සටහනක් තැබුවද රාජපක්ෂවරුන්ට ඉඩකඩ ලබා දෙන බවටයි ඇතැමුන් අදහස් පල කරන්නේ.
අදාල ආයතනය පල කළ සටහන අවංකව සිදු කරන ලද්දක් නම්, මේ වන විට රටේ අර්බුදයන් විසඳී තිබිය යුතු වීමත්, නොඑසේ නම් මහින්ද රාජපක්ෂ දේශපාලඥයෙකු නොවිය යුතු වීමත් ඔවුන්ගේ ඒ ප්‍රශ්න කිරීම් වලටන්පාදක වී තිබෙනවා.
