ගාලුමුවදොර අරගලයේ නිරතව සිටින අරගලකරුවන් හට මීට සුළු මොහොතකට පෙර දැවැන්ත ප්‍රහාරයක් එල්ල කර තිබෙනවා.
ඒ නව ජනාධිපතිවරයා ලෙස රනිල් වික්‍රමසිංහ මහතා දිවුරුම්දීමෙන් පැය 24 ක් ගත වන්නටත් පෙරයි.
ප්‍රහාරයෙන් අරගලකරුවන් රැසක් තුවාල ලබා ඇති අතර, ගෝල්ෆේස් අරගල භූමියේ හා ජනාධිපති ලේකම් කාර්යාල පරිශ්‍රයේ තිබූ ඔවුන්ගේ බඩු බාහිරාදිය රැසකට අලාභහානි සිදුව තිබෙනවා.
විශේෂ කාර්ය බලකා සෙබලු යොදාගනිමින් මේ වන විට ගෝල්ෆේස් අවට සිටින සියලුම පුද්ගලයන් හට පහරදෙමින් සිටින බවට වාර්තා වනවා.
මේ වන විට නීතිඥ නුවන් බෝපගේ ඇතුළු 06 දෙනෙක් අත්අඩංගුවට ගෙන ඇති බවයි වාර්තා වන්නේ.
පාර්ලිමේන්තු ඡන්දයෙන් ජයග්‍රහණය කළ පසු ඊයේ (20) පස්වරුවේ හුණුපිටිය ගංඟාරාමයේදී වික්‍රමසිංහ මහතා පැවසුවේ අරගලය යැයි පවසා නීති විරෝධී කටයුතු කරන කිසිවෙකුටත් ඊට ඉඩ නොදෙන බවයි.
