ඉන්ධන භාවිතය අඩුකිරීම සඳහා ලබන මාසයේ සිට කෝටා ක්‍රමයක් හඳුන්වාදීමට බලශක්ති අමාත්‍යවරයා කටයුතු කරමින් සිටින බව ජනමාධ්‍ය අමාත්‍ය බන්දුල ගුණවර්ධන මහතා පවසනවා.
ඒ, ඊයේ (13) රජයේ ප්‍රවෘත්ති දෙපාර්තමේන්තුවේ පැවති මාධ්‍ය සාකච්ඡාවක් අමතමින්.
මෙහිදී වැඩිදුරටත් අදහස් දැක්වූ ජනමාධ්‍ය අමාත්‍යවරයා,
“ඉන්ධන, ගෑස්, විදුලිය යනාදිය සම්බන්ධයෙන් තිබෙන්නෙ අපට සරල ලෙස විසඳාගත හැකි ප්‍රශ්නයක් නෙවෙයි. ඒ කියන්නෙ අපට ඩොලර් නෑ, ගත්ත ණය වාරික ටික ගෙවන්න හෝ අවශ්‍ය දේ ගන්න ඩොලර් නැතිකම තමයි විදේශ විනිමය අර්බුදය. ඉතින් ඒ අර්බුදයට මුහුණ දීම සඳහා බැංකු ක්‍රමය සමග ගනුදෙනු කරමින් විශාල අරගලයක තමයි රජයේ විදුලිබල හා බලශක්ති ඇමතිතුමා නිරත වෙන්නෙ. කෙටිකාලීනව වෙළඳපොල තුළ පහසු තත්වයන් නිර්මාණය කරගන්න අසීරුයි.
ඒක නිසා ඒ සඳහා විකල්ප ක්‍රමවේද ක්‍රියාත්මක කරමින් එතුමා භාවිතය අඩුකිරීම සඳහා ලබන මාසයේ සිට කෝටා ක්‍රමයකුත් ලබාදීලා, ඒ කෝටා ලබාදීමේදී විශේෂයෙන්ම පොදු ප්‍රවාහනයට වැඩි ප්‍රමුඛතාවයක් දීලා කටයුතු කරන්න වෙනවා. තෙල් තියාගෙන නොදී ඉන්නවාවත් තෙල් දෙන්න කියන්න ඉල්ලීම් නොසලකා හරිනවාවත් නෙවෙයි අපි මේ කරන්නෙ. රටේ තියෙන තෙල් ප්‍රමාණය බෙදලා දීලා කොහොමහරි අත්‍යාවශ්‍ය සේවාවන් පවත්වාගෙන යෑමට උත්සාහයක් තමයි මේ අමාත්‍යාංශය දරන්නෙ”
