ජනතාවට ලබාදෙන රුපියල් 2000ක දීමනාව ප්රමාණැවත් නොවන බව වැටහෙන නමුත් පවතින තත්වය හේතුවෙන් එම මුදලට වඩා වැඩි මුදලක් ලබාදීමට රජය අපොහොසත් බව සම කැබිනට් ප්රකාශක, වැවිලි අමාත්ය රමේෂ් පතිරණ මහතා පවසනවා.
ඒ අද (31) පැවති කැබිනට් තීරණ දැනුම්දීමේ මාධ්ය හමුවේදී යොමුවූ ප්රශ්නයකට පිළිතුරු දෙමින්.
කොවිඩ් වසංගතය හේතුවෙන් රට වසා දැමුණු විට මීට පෙර අවස්ථා තුනකදී රුපියල් 5000 බැගින් පවුල් විශාල ප්රමාණයකට ලබාදීමට රුපියල් බිලියන 80 ක් පමණ වැයකර ඇති නමුත් දිගින් දිගටම එවැනි සහනයක් ලබා දීමට තරම් භාණ්ඩාගාරය ශක්තිමත් නොමැති බවයි ඔහු පෙන්වාදෙන්නේ.
රාජ්ය ආයතනවල වියදම් ද හැකිතරම් සීමා කිරීමට සිදුව ඇති බවත්, මුල්ය විනය දැඩිලෙස පවත්වාගෙන යන ලෙස බැසිල් රාජපක්ෂ මහතා සියලු රාජ්ය ආයතන වෙත උපදෙස් ලබා දී ඇති බවත් අමාත්යවරයා මෙහිදී සිහිපත් කර සිටියා.