යොහානි දිලෝකා ද සිල්වා මෙනෙවිය විසින් ගායනා කරන මැණිකේ මගේ හිතේ ගීතය අද (19) උදෑසන සිට යොහානිට අයත් Youtube නාලිකාවෙහි අක්රීය තත්ත්වයේ පැවතුණා.
මීට හේතුව ලෙස Youtube වෙබ් අඩවිය දක්වා තිබුණේ එම ගීතය තුළ ඉන්දියාවේ දැවැන්ත සංගීත සමාගමක් වන Tseries සමාගම සතු අන්තර්ගතයන් අඩංගු බැවින් කතෘ අයිතිය මත එය ඉවත් කර ඇති බවයි.
යොහානි ද සිල්වා විසින් ගායනා කරන්නට යෙදුණු එම ගීතයේ සම්පූර්ණ අයිතිය පසුගියදා ඇය විසින්ම Tseries සමාගම වෙත පවරා තිබුණා.
ඒ අනුව එහි නීතිමය තත්ත්වයත් මත යොහානිගේ Youtube නාළිකාවේ තිබූ මෙම ගීතය අක්රීය කිරීමට එම සමාගම කටයුතු කරන්නට ඇති බවටයි තොරතුරු වාර්තා වන්නේ.
කෙසේ වෙතත් මේ වන විට නැවතත් එම ගීතය සක්රීය කිරීමට එම සමාගම කටයුතු කර තිබෙනවා.
යොහානිගේ මෙම ගීතය Youtube වෙබ් අඩවිය තුළ මිලියන 160 කට අධික පිරිසක් නරඹා තිබීමද විශේෂත්වයක්.
ඇය පසුගියදා මෙම ගීතය ජනාධිපති ගෝඨාභය රාජපක්ෂ මහතා ඉදිරියේද ගායනා කළා.