G 20 අන්තර් ආගමික සමුළුව සඳහා ඉතාලිය බලා පිටත්ව ගිය අග්රාමාත්ය මහින්ද රාජපක්ෂ මහතා ඇතුළු ධූත පිරිසට ඔවුන් ලැගුම් ගෙන සිටන ඉතාලියේ බොලොඤ්ඤා හි හෝටලය අසල දී ඉතාලියේ වෙසෙන ශ්රී ලාංකික හා ඉතාලි ජනතාව ඊයේ (12) හූ කියූ බවට වන වීඩියෝවක් මේ වන විට සමාජ මාධ්යයන් හී හුවමාරු වනවා.
කෙසේ වෙතත් මේ සම්බන්ධයෙන් News19 සිදුකල සොයාබැලීමේදී වාර්තා වූයේ එම වීඩියෝවේ රූප සත්ය වුවද හඩ සංස්කරණය කර ඇති බවයි.
බොලොඤ්ඤා හි හෝටලය අසලට රැස්ව සිටි පිරිස අත කිසිදු විරෝධතා පුවරුවක් හෝ කළු කොඩියක් දක්නට නොලැබුණු අතර ඇතැමෙක් අග්රාමාත්යවරයාට අතට අත දෙන ආකාරයද දක්නට ලැබෙනවා.
බොහෝ දෙනෙක් අග්රාමාත්යවරයාව වීඩියෝ කරමින් සිටින අතර මෙම සංස්කරණය කරන ලද වීඩියෝවේ හඩෙහි දැක්වෙන්නේ වාහනයට ගොඩවීමට පෙර එකවර අග්රාමාත්යවරයාට විශාල පිරිසක් හූ කියන ආකාරයයි.
මෙම වීඩියෝවම තවත් ආකාරයකින් ඉතාලියේ වෙසෙන ශ්රී ලාංකිකයන් පිරිසක් හා රජයේ ප්රවෘත්ති දෙපාර්තමේන්තුවද ප්රසිද්ධියට පත් කර තිබෙනවා.
නමුත් එහි කිසිදු ආකාරයකින් අග්රාමාත්යවරයා වාහනයට ගොඩවීමට පෙර විශාල පිරසක් හූ කියන ආකාරයක් දක්නට ලැබෙන්නේ නැහැ.
එමෙන්ම එම අවස්ථාවම තවත් කෝණයකින් රූගත කළ වීඩියෝවක් පහතින් දැක්වෙනවා.
එම වීඩියෝවේද අග්රාමාත්යවරයා වාහනයට ගොඩවීමට පෙර රැස්ව සිටි පිරිස හූ කියන ආකාරයේ කිසිදු සිදුවීමක් සිදු නොවන අතර අග්රාමාත්ය ආර්යා ශිරන්ති රාජපක්ෂ මහත්මිය රැස්ව සිටි පිරිස අතරට පැමිණි විට “ජයවේවා ශිරන්ති මැඩම්” ලෙසට රැස්ව සිටි පිරිස ඇයට ආමන්ත්රණය කරන අයුරු දක්නට ලැබෙනවා.
කෙසේ වෙතත් ඇයි වාහනයට ගොඩවීමට යන අවස්ථාවේදී රැස්ව සිටි පිරිසෙන් කොටසක් අත්පුඩි ගසමින් කෙටි හූවක් කියන ආකාරය දක්නට ලැබුණද එය විරෝධය පලකර ආකාරයේ හූවක් නොවන බවයි දක්නට ලැබෙන්නේ.