මර්දනය දියත් කිරීම රනිල් වික්රමසිංහගේ ක්රමවේදය නොවන බව සමඟි ජන බලවේගයේ පාර්ලිමේන්තු මන්ත්රී රාජිත සේනාරත්න පවසනවා.
ඒ, ජන අරගලයේ සක්රීය චරිතයක්ව සිටි, මේ වන විට කොම්පඤ්ඤවීදිය පොලීසිය විසින් අත්අඩංගුවට ගෙන සිටින සේනාධි ගුරුගේ බැලීමට විපක්ෂ නායක සජිත් ප්රේමදාස ඇතුළු සමඟි ජන බලවේගයේ පාර්ලිමේන්තු මන්ත්රීවරු මෙන්ම හිතවතුන් කිහිපදෙනෙකු සමඟ පොලිස් ස්ථානයට ගිය අවස්ථාවේ මාධ්ය වෙත අදහස් දක්වමින්.
කෙසේ නමුත්, රට තුල සිදුවන මර්දනය ක්රියාත්මක වන්නේ වික්රමසිංහ\ගේ වුවමනාවටද නැතහොත් වික්රමසිංහ අමාරුවේ දැමීම සඳහා රජයේ කොටස් විසින් එය සිදුකරන්නේද යන ප්රශ්නය පවතින බවයි ඔහු පවසන්නේ.
මේ වන විට රට තුළ ක්රියාත්මක මර්දනය වහාම නතර කරන ලෙස තමන් ජනාධිපති රනිල් වික්රමසිංහ මහතා වෙත පෞද්ගලිකවම පවසා තිබෙන බවත් රාජිත සේනාරත්න පවසනවා.
හෙට දිනයේ අපරාධ පරීක්ෂණ දෙපාර්තමේන්තුව හමුවේ පෙනී සිටින බවට දැනුම් දී තිබියදී සේනාධි ගුරුගේව මෙලෙස අත්අඩංගුවට ගෙන තිබෙන බවත් මෙලෙස අත්අඩංගුවට ගන්නේ කුමන නීතියකට පදනම්වද යන්න ප්රශ්න කළ යුතු බවත් පාර්ලිමේන්තු මන්ත්රී රාජිත සේනාරත්න එහිදී මාධ්ය වෙත අදහස් දක්වමින් ප්රශ්න කර සිටියා.