අතුරුදන් වී ඇති බවට වාර්තා වූ කෙසෙල්වත්ත ප්රදේශයේ බාල වයස්කාර ගැහැණු දරුවන් තිදෙනා යළි නිවෙස් වෙත පැමිණ ඇති බව පොලිස් මාධ්ය ප්රකාශක කාර්යාලය පවසනවා.
ඊයේ (08) ඔවුන් නිවෙස්වලින් අතුරුදන් වී ඇති බවට කෙසෙල්වත්ත පොලීසියට පැමිණිල්ලක් ලැබී තිබුණා.
මෙලෙස අතුරුදන් වූයේ එකම පවුලේ සහෝදරියන් දෙදෙනකු සහ ඥාති සහෝදරියක වන අතර ඔවුන් තිදෙනා වයස අවුරුදු 13 – 15ත් වයස් වල පසුවන බවයි පැවසෙන්නේ.
මෙම දරුවන් තිදෙනා ඊයේ පෙරවරුවේ කොළඹ විහාර මහා දේවී උද්යානයේ සහ ගාලු මුවදොර පිටියේ ගැවසී ඇති බවට ඔවුන්ගේ දුරකථන විශ්ලේෂණ වාර්තා වලින් හෙළිවන බව පොලිසිය පැවසූ අතර ත්රීවීල් රථයකින් ඊයේ උදෑසන 8:00 ට පමණ සිය නිවසෙන් පිටව ගොස් ඇති මෙම දරුවන් තිදෙනා නැවත නිවසට නොපැමිණි බවත් ඔවුන් සම්බන්ධයෙන් කිසිදු තොරතුරක් ලැබී නොමැති බවත් ඔවුන්ගේ පියා කෙසෙල්වත්ත පොලිසියේ කළ පැමිණිල්ලේ සඳහන් විය.
කෙසේ වෙතත්, එම දැරියන් තිදෙනාම නැවතත් සිය නිවෙස් වෙත පැමිණ ඇති බවයි පොලිසිය පවසන්නේ.