කොළඹ 12 පදිංචි, බාල වයස්කාර දැරියන් තිදෙනකු අතුරුදන්ව ඇති බව ඔවුන්ගේ පියාගෙන් ඊයෙ (08) පැමිණිල්ලක් ලැබුණු බව කෙසෙල්වත්ත පොලිසිය පවසනවා.
මෙම දරුවන් තිදෙනා ඊයේ පෙරවරුවේ කොළඹ විහාර මහා දේවී උද්යානයේ සහ ගාලු මුවදොර පිටියේ ගැවසී ඇති බවට ඔවුන්ගේ දුරකථන විශ්ලේෂණ වාර්තා වලින් හෙළිවන බව පොලිසිය පවසන අතර ත්රීවීල් රථයකින් ඊයේ උදෑසන 8:00 ට පමණ සිය නිවසෙන් පිටව ගොස් ඇති මෙම දරුවන් තිදෙනා මේ වනතෙක් නිවසට නොපැමිණි බවත් ඔවුන් සම්බන්ධයෙන් කිසිදු තොරතුරක් ලැබී නොමැති බවත් ඔවුන්ගේ පියා කෙසෙල්වත්ත පොලිසියේ කළ පැමිණිල්ලේ සඳහන් වේ.
මෙලෙස අතුරුදන්ව ඇත්තේ එකම පවුලේ සහෝදරියන් දෙදෙනකු සහ ඥාති සහෝදරියක වන අතර ඔවුන් තිදෙනා වයස අවුරුදු 13 – 15ත් වයස් වල පසුවන බවයි පැවසෙන්නේ.
සිද්ධිය සම්බන්ධයෙන් කෙසෙල්වත්ත පොලිසිය විමර්ශනයක් ආරම්භ කර තිබෙනවා.
ඔවුන් සම්බන්ධයෙන් තොරතුරක් ඇතොත් පහත දුරකථන අංකය අමතන ලෙසයි පියා ඉලා සිටින්නේ.