රජය විසින් සංචරණ සීමා තවදුරටත් දීර්ඝ කිරීමටත් දුම්රිය ධාවනය නොකිරීමටත් සැබෑ හේතුව වන්නේ වත්මන් ඉන්ධන හිඟය බව පාර්ලිමේන්තු මන්ත්‍රී මුජිබර් රහුමාන් මහතා පවසනවා.
ඒ, කොළඹ මාක්ස් ප්‍රනාන්දු මාවතේ පිහිටි විපක්ෂ විපක්ෂ නායක කාර්යාලයේ පැවති මාධ්‍ය හමුවකට එක්වෙමින්.
දුම්රිය ධාවනය සහ පළාත් අතර සංචරණ සීමා ලබන 31 වනදා දක්වා දීර්ඝ කිරීමට රජය විසින් පියවර ගෙන ඇත්තේ ඩීසල් නොමැතිවීම ජනතාවගෙන් වසන් කිරීම සඳහා බවයි ඔහු පවසන්නේ.
එම සේවාවන් ක්‍රියාත්මක නොවුනත්, රට විවෘත කර රාජ්‍ය සහ පෞද්ගලික සේවකයන් සේවයට කැඳවීමට පියවර ගැනීම නිසා ඔවුන් දැඩි දුෂ්කර තත්වයකට මුහුණ දී ඇති බවත් ඔහු පෙන්වා දෙනවා.
තම නොහැකියාව වසා ගැනීම සඳහා දුරදිග නොබලා ආණ්ඩුව ගනු ලබන තීරණ හේතුවෙන් හැට නම ලක්ෂය ඇතුළු රටේ සමස්ථ ජනතාව අසරණ වන බවත් මන්ත්‍රීවරයා වැඩිදුරටත් අවධාරණය කර සිටිනවා.
