බලයට පත්ව වසරක්ද ඉක්මවා ගොස් ඇතත් පාර්ලිමේන්තු මන්ත්රීවරයෙකු ලෙසට තවමත් රජයේ වාහනයක් භාවිතා කර නොමැති බවත් සම්බන්ධීකරණ කමිටුවේ සභාපතිවරයෙකුට ලැබිය යුතු රුපියල් 50,000ක ඉන්ධනද භාවිතා කර නොමැති බවත් බදුල්ල දිස්ත්රික් ශ්රී ලංකා පොදුජන පෙරමුණු පාර්ලිමේන්තු මන්ත්රී තිසකුට්ටි ආරච්චි පවසනවා.
ඒ, අද (10) දින මාධ්ය අමතමින්.
“මාධ්යවේදීන්ට ආරාධනා කරනවා යන්න මාදිවෙල නිවෙසට. උඩ වහිනකොට තෙමෙන, බාතෘම් එකේ වතුර ලීක් වෙන, මදුරුවෝ තල තලා ජීවත් වෙන තැනක තමා අපි ජීවත් වෙන්නේ. අපේ පෞද්ගලික වාහනෙන් ඇවිත් තමා මේ කටයුතු කරන්නේ. රාජ්ය ඇමතිවරු ගත්තත් තවම පරණ අමාත්යංශ වල පාවිච්චි කරපු සාමාන්ය වාහන ටික තියෙන්නේ. දුර ඉඳන් එන මන්ත්රීවරු ඇමතිවරු ඉන්නවා. මේක ලේසියට හිතයි. අපි නිතරම දිස්ත්රික්කයට යන්න ඕනෙ, කොළඹට එන්න ඕනෙ. ඒ නිසා තමයි සුඛෝපභෝගී වාහනයක් ඉල්ලුවේ ඇමතිවරයෙකුට, රාජ්ය ඇමතිවරයෙකුට පාවිච්චිය සඳහා. ඒත් පරණ වාහන තමයි ඒ අය පාවිච්චි කරන්නේ.
සම්බන්ධීකරණ කමිටුවේ ඉන්න අතරේ අධීක්ෂණ මන්ත්රීවරු විදිහට පත්කරලා යම් දීමනාවක් පහුගිය කාලෙ දුන්නා. අවුරුද්දක් අපි ඒකත් කැපකරා. මොනවත තවත් අපිට කැපකරන්න කියන්නේ?
මන්ත්රීවරුන් විශාල කැපකිරීමක් කරලා තියෙනවා ඒක ජනතාව දන්නෙ නෑ. රටේ ජනතාවට පේන්නේ ජනතාව දුක් විඳිනවා කියන එක විතරයි. වාහනය BMW උනත්, මොන්ටෙරෝ උනත්, ප්රාඩෝ උනත් ඒක ඇතුල කචල් පිට හුරතල් වෙන්න පුළුවන්. අපි කොරෝනා එක්ක පොර බැදුවා. අපිත් ඒ කැපකිරීම කරනවා. සංවේදී විදිහට මේ කාරණාව දිහා බලන්න. ජනතාව එක පැත්තක ඉඳන් දේශපාලඳයින්ව එක පැත්තකට දාලා අපිව යක්කු විදිහට දකින එකෙයි මේ කාරණාව තියෙන්නේ.
අපි අගමැතිතුමාට සහ ජනාධිපතිවරයාට මේ ගැන කියලා තියෙනවා. කලින් වගේ නෙවෙයි මෙවර ආණ්ඩුවේ පසුපෙළ මන්ත්රීවරු හැසිරෙන්නේ කියන්න තියෙන දේ ඍජුව ආණ්ඩුවත් එක්ක කතා කරන ගමන් තමයි ආණ්ඩුව බේරගන්නේ.” යැයි ඒ මහතා පවසනවා.