ඇමතිධුරවලින් ඉවත් කරනු ලැබූ විමල් වීරවංශ, උදය ගම්මන්පිල යන මහත්වරුන් ඇතුළු ආණ්ඩුවේ හවුල්කාර පක්ෂ දහයේ මන්ත්‍රීවරුන් 16 දෙනා පාර්ලිමේන්තුවේ දී ස්වාධීන කණ්ඩායමක් ලෙස හෙට (05) වෙනම අසුන් ගනු ඇතැයි දේශපාලන ආරංචි මාර්ගවල දැක්වෙනවා.
ඇමති වාසුදේව නානයක්කාර මහතා ද ආණ්ඩුවෙන් ඉවත්ව වෙනම අසුන් ගනු ඇති බවයි එම ආරංචි මාර්ග වලින් වැඩිදුරටත් පැවසෙන්නේ.
විමල් වීරවංශ, උදය ගම්මන්පිල යන මහත්වරුන් ඇමති ධුරවලින් ඉවත් කරනු ලැබුවද තවමත් ආණ්ඩු පක්ෂයේ මන්ත්‍රීවරුන් ලෙස කටයුතු කරනවා.
කෙසේ වෙතත් හෙට දිනයේ ස්වාධීන වීමට පෙර මන්ත්‍රීවරුන් පාර්ලිමේන්තුවේදී විශේෂ ප්‍රකාශයක් කිරීමට නියමිත බවද වාර්තාවනවා.
මේ අතර, ශ්‍රී ලංකා පොදුජන පෙරමුණේ මන්ත්‍රීවරුන් කණ්ඩායමක්ද අනිද්දා (06) පාර්ලිමේන්තුවේදී ස්වාධීන වීමට නියමිතව බවද පක්ෂයේ අභ්‍යන්තර ආරංචි මාර්ග වලින් පැවසෙනවා.
ආණ්ඩුවේ අමාත්‍යධුර නොලැබුණු එහෙත් ,ජ්‍යෙෂ්ඨ මන්ත්‍රීවරුන් කිහිප දෙනකුම මෙම පිරිසට ඇතුළත් වනු ඇති බවයි වාර්තාවන්නේ.
