2015 ජනවාරි 01 සිට 2021 ඔක්තොම්බර් මස 31 දක්වා මාස 82ක කාලයක් තුළ ගෑස් සිලින්ඩර් පුපුරා යාමේ සිදුවීම් 233ක් පිළිබඳ වාර්තා වී තිබෙන බව අමාත්‍ය ලසන්ත අලගියවන්න මහතා අද (29) පාර්ලිමේන්තුවේදී සඳහන් කළා.
මෙහිදී අමාත්‍යවරයා සදහන් කළේ ගෑස් සිලින්ඩර් පුපුරායාමේ සිදුවීම් සම්බන්ධයෙන් සැඟවිය යුතු කාරණයක් නොමැති බවයි.
එහෙත් කෙටි කාලයක් තුළ අවස්ථා ගණනාවක දී මෙවැනි සිදුවීම් වාර්තාවීම ගැටළු සහගත බවද අමාත්‍යවරයා සදහන් කළා.
මේ සම්බන්ධයෙන් පාරිභෝගික අධිකාරිය සොයාබැලීමට අවශ්‍ය ක්‍රියාමාර්ග ගන්නා බවද ලසන්ත අලගියවන්න මහතා පවසනවා.
ශ්‍රී ලංකා ප්‍රමිති ආයතනය විසින් ගෑස් සිලින්ඩරයක ප්‍රමිතිය සම්බන්ධයෙන් එහි මතුපිට සඳහන් කර ඇති බවත් වෙළෙඳ පොළේ තිබෙන ගෑස් සිලින්ඩරයක ප්‍රමිතිය මැන බැලීමට හැක්කේ එය පරීක්ෂා කිරීමෙන් පමණක් බවත් අමාත්‍යවරයා වැඩිදුරටත් සදහන් කළා.
