ජනතාවගේ ආරක්ෂාව සපයන රජයක් ලෙස ගෑස් සිලින්ඩර පිපිරීමේ තත්ත්වය ඉතාමත් හොඳින් කළමනාකරණය කරමින් පවතින බව ඉඩම් අමාත්‍ය එස්.එම්.චන්ද්‍රසේන මහතා පවසනවා.
අමාත්‍යවරයා පෙන්වා දෙන්නේ ලංකාවෙම ඇති ගෑස් සිලින්ඩර ලක්ෂ ගණනකින් කිහිපයක් පමණක් මේ වන විට පුපුරා ඇති බවයි.
කෙසේ වෙතත් ගෑස් සිලින්ඩර පිපිරීම මෑත කාලයේ වැඩිවී ඇති බැවින් ඒ පිළිබදව පාර්ලිමේන්තුවේදීත්, ආණ්ඩු පක්ෂයේ රැස්වීම් වලදීත් සාකච්ඡා කර ඊට අවශ්‍ය කරන පියවර ගනිමින් සිටින බව අමාත්‍යවරයා පවසනවා.
කෙසේ වෙතත් අමාත්‍යවරයා පවසන්නේ අදාළ පිපිරීම් සම්බන්ධයෙන් පාරභෝගික කටයුතු අධිකාරියේ හිටපු අධ්‍යක්ෂකවරයෙක් වන තුෂාන් ගුණවර්ධන මහතා පිළිබදව සැක කරන බවයි.
ඔහු එම තනතුරින් ඉවත්ව ගිය පසු ගෑස් පිපිරීම් වැඩිවී ඇති බව එස්.එම්. චන්ද්‍රසේන මහතා පෙන්වා දෙනවා.
මේ පිළිබදව සොයාබලන්නැයි තමන් බලධාරීන්ගෙන් ඉල්ලා සිටින බවද අමාත්‍යවරයා වැඩිදුරටත් සදහන් කරනවා.
