මේ වන විට කොළඹ වෛද්‍ය සැපයීම් අංශය තුළ ඖෂධ වර්ග 525 ක් සහ ශල්‍ය ද්‍රව්‍ය 5376 ක් සම්පූර්ණයෙන්ම තොග අවසන්වී ඇති බව රජයේ ඖෂධවේදීන්ගේ සංගමය නිවේදනය කරනවා.
එම සංගමය පෙන්වා දෙන්නේ වෛද්‍ය සැපයීම් අංශය තුළ ඖෂධ වර්ග 1358 ක් තිබිය යුතු වුවත් ඉන් ඖෂධ 525 ක් නොමැති බවයි.
එමෙන්ම ශල්‍ය ද්‍රව්‍ය 8553 ක් තිබිය යුතු වුවත් ශල්‍ය ද්‍රව්‍ය 5376 ක් මේ වන විට අවසන්ව ඇති බව නිවේදනයේ සදහන්.
මේ අතර ජීවිතාරක්ෂක ඖෂධ වර්ග 6 ක්, අත්‍යවශ්‍ය ඖෂධ වර්ග 239 ක් හා කලාතුරකින් අවශ්‍ය වන ඖෂධ වර්ග 280 ක තොග අවසන්ව ඇති බව එම සංගමය පවසනවා.
හදිසි හෘදයාබාධ සඳහා භාවිතා කරන ඖෂධ, ජලභීතිකාව සඳහා භාවිතා කරන එන්නත් වර්ග මේ වන විට තොග අවසන්වී තිබෙනවා.
ඉන්දියානු ණය ක්‍රමය යටතේ මෙම ඖෂධ බොහෝමයක් ඇණවුම් කර ඇති නමුත් ඒවා මෙරටට පැමිණීමට තව සති 06 ක පමණ කාලයක් ගතවන බවයි එම සංගමය පෙන්වා දෙන්නේ.
