කොළඹ ෂැන්ග්‍රිලා හෝටලයේ පැවති මෝස්තර නිර්මාණ ශිල්පී චන්දිමාලි ජයසිංහගේ උපන්දින සාදයට සමගි ජනබලවේගය පක්ෂයේ මන්ත්‍රීවරියක්ද සහභාගීවී ඇති බවට පොලීසිය අධිකරණයට දන්වා තිබෙනවා.
ඒ අනුව අධිකරණයට ඉදිපත් කළ බී වාර්තාවේ දැක්වුණේ කලපළුවාව, රාජගිරිය ලිපිනයේ පදිංචි කුමාරලාගේ භාගේෂ්වරී මධුෂිකා ගුණසේකර යන අය අදාළ මත්පැන් සාදයට සහභාගී වී ඇති බවයි.
විශාරද භාගේෂ්වරී ගුණසේකර යනු සමගි ජනබලවේගය පක්ෂයේ දිවුලපිටිය ප්‍රාදේශය සභා මන්ත්‍රීවරියකි.
ඇය චන්දිමාල් ජයසිංහ මහතාගේ ළඟම හිතවතියක් වන අතර ඔහු මීට පෙර පැවැත්වු දැවැන්ත උපන්දින සාද සඳහාද භාගේෂ්වරී මහත්මිය සහභාගීවී තිබෙනවා.
කෙසේ වෙතත් අධිකරණයට ඉදිරිපත් කරන ලද බී වාර්තාවේ සඳහන් කිසිවෙකුත් මේ වන තෙක් අත්අඩංගුවට ගෙන නොමැතිවීමද විශේෂත්වයක්.
බී වාර්තාවේ නොමැති, අදාළ සාදයට සහභාගිවූ ප්‍රභූ පුද්ගලයන් කිහිප දෙනෙකුගේ නම් කිහිපයක් පිළිබදවද මේ වන විට තොරතුරු වාර්තා වනවා.
ඒ අතර එක්තරා අමාත්‍යවරයෙකු හා රූ රැජිනක්ද සිටින බවටයි පැවසෙන්නේ.
