කංසා වගාවට අවස්ථාව ලබාදිය යුතු බව සිංහලේ සංවිධානයේ මහලේකම් පූජ්‍ය මැඩිල්ලේ පඤ්ඤාලෝක හිමියන් පවසනවා.
සිය ෆේස්බුක් ගිණුමේ සටහනක් තබමින් උන්වහන්සේ පෙන්වා දෙන්නේ කංසා මත්ද්‍රව්‍යයක් ලෙස නොව අපනයන භෝගයක් ලෙස වගාකල යුතු බවයි.
කංසා ආශ්‍රිත නිෂ්පාදන වෙනුවෙන් කංසා සඳහා පවතින තහනම ඉවත් කොට වගාවට හා ඊට අදාළ නිෂ්පාදන කටයුතු වෙනුවෙන් අවස්ථාව ලබාදිය යුතු බවට උන්වහන්සේ පවසනවා.
මේ අතර ඊයේ (30) පාර්ලිමේන්තුව අමතමින් දේශීය වෛද්‍ය අමාත්‍ය සිසිර ජයකොඩි මහතාද සදහන් කළේ ඖෂධීය කංසා අපනයනය සඳහා පමණක් වූ අවශ්‍ය නීතිමය අනුමැතිය පාර්ලිමේන්තුව හරහා ලබා ගැනීමට අවශ්‍ය කටයුතු සියල්ල සිදු කර ඇති බවයි.
