අග්‍රාමාත්‍ය මහින්ද රාජපක්ෂ මහතා පසුගියදා තිරුපති වන්දනාවක ගිය පෞද්ගලික ජෙට් යානය සම්බන්ධයෙන් පසුගියදා මාධ්‍යවේදී තරිදු උඩුවරගෙදර අල්ලස් හෝ දූෂණ විමර්ශන කොමිෂන් සභාවට පැමිණිල්ලක් ඉදිරිපත් කර තිබුණා.
මෙම පැමිණිල්ල සනාථ කිරීමට අදාළ ලේඛන යනාදිය රැගෙන එළැඹෙන සිකුරාදා පෙරවරු 9 ට අල්ලස් හෝ දූෂණ විමර්ශන කොමිෂන් සභාවට පැමිණෙන ලෙසට එම කොමිෂමේ දූෂණ විමර්ශන තුන්වන අංශයේ ස්ථානාධිපති ඒ්.එච්.එම්.ජී. අබේසිංහ මහතා දැනුම්දී තිබෙනවා.
අග්‍රාමාත්‍ය මහින්ද රාජපක්ෂ මහතා ඉන්දියාවේ තිරුමලේ තිරුපති කෝවිලට ගිය පෞද්ගලික සංචාරයත්, ඒ සඳහා ජෙට් යානයක් ‘ත්‍යාග’ විදියට ලබා ගනිමින් අල්ලස් පනත කඩකරමින් අල්ලසක් ගැනීමට අග්‍රාමාත්‍ය මහින්ද රාජපක්ෂ මහතා කටයුතු කිරීමත් යන කරුණ සම්බන්ධයෙන් පසුගිය වසරේ දෙසැම්බර් 31 වැනිදා මාධ්‍යවේදී තරිදු උඩුවරගෙදර අල්ලස් හෝ දූෂණ විමර්ශන කොමිෂන් සභාවට පැමිණිල්ලක් ඉදිරිපත් කළා.
