වසංගතය ජයගෙන ගෙවී යන පළමු සිංහල අවුරුද්ද සැමරීමට රටම සැරසෙමින් සිටින ආකාරය ගම් නගර පුරා දැකිය හැකි බව පුවත්පත් මණ්ඩලයේ සභාපති ජ්‍යෙෂ්ඨ කථිකාචාර්ය මහින්ද පතිරණ මහතා පවසනවා.
සිය ෆේස්බුක් ගිණුමේ සටහනක් තබමින් ඒ මහතා පවසන්නේ විවිධ දේ මිලදී ගැනීමට ජනතාව කඩමංඩිවල සිටින බවයි.
ඊයේ දිනයේ පරණ අවුරුද්ද බැවින් නිවාස සුද්ද පවිත්‍ර කරමින් නිවැසියන් සිංහල අවුරුද්දට සූදානම් වන අයුරු ඔහු දැක ඇති බවද අදාළ සටහනේ දැක්වෙනවා.
එමෙන්ම වසංගත සමයේ නෑසුන රතිඤ්ඤා හඩ දසතින් ඇසෙන බවද ඔහු වැඩිදුරටත් සදහන් කර තිබෙනවා.
අපට මෙය ජයගත හැකි බව එම සටහනේ සදහන් කර තිබුණද මෙය කුමක්දැයි පැහැදිලි කර නැහැ.
මහින්ද පතිරණ යනු ශ්‍රී ලංකා පොදුජන පෙරමුණේ පාක්ෂිකයෙක් වන අතර බැසිල් රාජපක්ෂ මහතා වෙනුවෙන් සමාජ මාධ්‍ය තුළ දැඩිව පෙනී සිටින අයෙකි.
