අද දිනයේත් (17) පාර්ලිමේන්තු කාලය මන්ත්‍රීවරුන්ට සිත්සේ කා දමන ආකාරය දක්නට ලැබෙනවා.
ඒ අනුව මේ වන විට දැවෙන ජනතා ප්‍රශ්න කිසිවක් සාකච්ඡාවට බදුන් නොකර සිය නිවාස ගිනිගත් ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රීවරුන්ගේ දුක්ගැනවිලිවලට වැඩි කාලයක් වෙන් කර තිබෙනවා.
ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී W.D.වීරසිංහ කල්තැබීමේ යෝජනාව ගෙන එමින් විනාඩි 14 ක කතාවක් පවත්වමින් තම ගිනිගත් නිවස ගැන දීර්ඝ විස්තරයක් කරනු ලැබූවා.
එහිදී තම නිවසේ වර්ග අඩි ප්‍රමාණයත්, එය සාදාගැනීමට බැංකු ණය ලබාගත් ආකාරයත්, නිවස සෑදීමට පටන්ගත් වර්ෂයත්, එය ක්‍රම ක්‍රමයෙන් සාදාගන්නා ලද ආකාරයත් වැනි කරුණු රැසක් මන්ත්‍රීවරයා පාර්ලිමේන්තුවට පවසා සිටියා.
පසුව කනක හේරත් මහතාද ගිනිගත් මන්ත්‍රී නිවාස පිළිබදව සංවේදී කතාවක් කළ අතර ජනතාව මෙලෙස කුපිත වූයේ කුමන හේතුවක් නිසාදැයි නොකියා සිටීමට වගබලාගත්තා.
උදෑසන පාර්ලිමේන්තුව කාලය නියෝජ්‍ය කතානායකවරයෙක් පත්කිරීමට නැවතවරක් ඡන්දයක් පැවැත්වීමට ගතකළ අතර ඉතිරි කාලය දුක් අදෝනා තැබීමට වෙන්කරමින් අද දිනයේද පාර්ලිමේන්තුව කිසිදු ජනතා ගැටළුවක් සාකච්ඡා නොකරන තත්ත්වයකට පාර්ලිමේන්තු මන්ත්‍රීවරුන් කටයුතු කරනු ලැබූවා.
