සංචාරක මණ්ඩලයේ ලියාපදිංචි සියලුම ආයතනවලට මෘදු මත්පැන් බලපත්‍ර (soft liquor licenses) නිකුත් කිරීමට කැබිනට් මණ්ඩලය අනුමැතිය දුන් බව සංචාරක හා ඉඩම් අමාත්‍ය හරීන් ප්‍රනාන්දු මහතා පවසනවා.
ඊට අදාල කැබිනට් පත්‍රිකාව සංචාරක අමාත්‍යවරයා වශයෙන් හරීන් ප්‍රනාන්දු විසින් මීට පෙර ඉදිරිපත් කරන ලදි.
මෙය සංචාරක ව්‍යාපාරය ප්‍රවර්ධනය කිරීමට සහ රටට මෙන්ම සියලුම සංචාරක පාර්ශ්වකරුවන්ට විදේශ ආදායමක් ගෙන ඒමට උපකාරී වනු ඇති බවයි ට්විටර් පණිවිඩයක් නිකුත්කරමින් අමාත්‍යවරයා සඳහන් කරන්නේ.
සංචාරක ක්ෂේත්‍රය ප්‍රවර්ධනය කිරීම සඳහා සිල්ලර කඩ වැනි ස්ථානවලද බීර අලෙවි කිරීමට පසුගිය යහපාලන රජය සමයේදී එවක මුදල් අමාත්‍ය මංගල සමරවීර මහතා අවසර ලබාදුන්නද හිටපු ජනාධිපති මෛත්‍රිපාල සිරිසේන මහතාගේ අම්‍යප ප්‍රතිපත්තිය හේතුවෙන් එම තීරණය අවලංගු කෙරුණා.
කෙසේවෙතත් මෛත්‍රිපාල සිරිසේන මහතාගේ දියණියවන චතුරිකා සිරිසේන මහත්මියට යහපාලන රජය සමයේ මත්පැන් අලෙවි කිරීම සඳහා බලපත්‍රයක් නිකුත් කර තිබීමද විශේෂත්වයක්.
