ආණ්ඩුවෙන් ඉවත්ව සිටින බව ජනතාවට අඟවමින් එක් එක් මන්ත්‍රීවරුන් ජනාධිපතිවරයා හා රනිල් වික්‍රමසිංහ මහතා අතර ඩීල් දමාගන්නා ආකාරය අද (21) පාර්ලිමේන්තුවේදී හෙළිවුණා.
පාර්ලිමේන්තු මන්ත්‍රී විමල් වීරවංශ මහතා චෝදනා කළේ ආණ්ඩුවෙන් ඉවත්වූ බව කියන නිමල් ලාංසා ඇතුළු කණ්ඩායම හා ශ්‍රී ලංකා නිදහස් පක්ෂයේ කිහිප දෙනෙක් විවිධ අවස්ථාවන්හී රාත්‍රී කාලයේ ජනාධිපතිවරයා මුණ ගැසී රනිල් වික්‍රමසිංහ මහතාව අග්‍රාමාත්‍යවරයා ලෙස පත්කරන්නැයි ඉල්ලා සිටි බවයි.
ඊට පිළිතුරු දෙමින් නිමල් ලාංසා පැවසුවේ තමන් හෝ තමන්ගේ කිසිදු නියෝජිතයෙකු රනිල් වික්‍රමසිංහ මහතාව අගමැති ධූරයට පත්කරන්නැයි ඉල්ලීමට කිසිදු අවස්ථාවක ජනාධිපතිවරයා මුණ නොගැසුණු බවයි.
යළිත් නැගී සිටි විමල් වීරවංශ මහතා සඳහන් කළේ ජනාධිපත්වරයා සමඟ පැවති සාකච්ඡාවක එකඟතාවයක් අනුව නිමල් ලාංසාගේ කණ්ඩායමේ ජ්‍යෙෂ්ඨත්වයෙන් අඩු නලීන් බණ්ඩාර මහතා හට කැබිනට් අමාත්‍ය ධූරයක් හිමිවූ බවයි.
විමල් වීරවංශ මහතාගේ කණ්ඩායමේ සාමාජිකයෙකු ලෙස ජනාධිපතිවරයාව මුණගැසීමට පැමිණි ටිරාන් අලස් මහතාද කැබිනට් අමාත්‍ය ධූරයක් ලබාගත් බව එහිදී නැගී සිටි අමාත්‍ය නලීන් ප්‍රනාන්දු මහතා සඳහන් කළා.
ඊට අදාළ දර්ශන පහතින්,
