නව මහජන ආරක්ෂක අමාත්යවරයා ලෙස ටිරාන් අලස් මහතා පත්වීමෙන් අනතුරුව සිය ප්රමුඛ කාර්ය ලෙස උසස් පොලිස් නිලධාරීන් කිහිපදෙනෙකුට ස්ථානමාරුවීම් ලබාදී තිබෙනවා.
ඒ අනුව ජ්යෙෂ්ඨ නියෝජ්ය පොලිස්පති අජිත් රෝහණ මහතා අපරාධ හා රථ වාහන දිසාව භාර ජ්යෙෂ්ඨ නියෝජ්ය පොලිස්පති තනතුරේ සිට දකුණු පළාත භාර ජ්යෙෂ්ඨ නියෝජ්ය පොලිස්පති ලෙස මාරුකර යවා තිබෙනවා.
එමෙන්ම ජ්යෙෂ්ඨ නියෝජ්ය පොලිස්පති එම්.ඩී.ආර්.එස් දමින්ද මහතා දකුණු පළාත භාර ජ්යෙෂ්ඨ නියෝජ්ය පොලිස්පති තනතුරේ සිට නැගෙනහිර පළාත භාර ජ්යෙෂ්ඨ නියෝජ්ය පොලිස්පති ලෙසත්, වැඩ බලන ජ්යෙෂ්ඨ නියෝජ්ය පොලිස්පති එල්.කේ.ඩබ්ලිව්.කේ සිල්වා මහතා නැගෙනහිර පළාත භාර ජ්යෙෂ්ඨ නියෝජ්ය පොලිස්පති තනතුරේ සිට අපරාධ හා රථ වාහන දිසාව භාර ජ්යෙෂ්ඨ නියෝජ්ය පොලිස්පති ලෙසත් පත්කර තිබෙනවා.
පොලිස් මාධ්ය ප්රකාශක කාර්යාලය නිවේදනය කරන්නේ මහජන ආරක්ෂක අමාත්යාංශ ලේකම්වරයාගේ සහ රාජ්ය සේවා කොමිෂන් සභාවේ ආවරණ අනුමැතියට යටත්ව පොලිස්පතිවරයා විසින් අදාළ ස්ථානමාරු කිරීම් සේවයේ අවශ්යතාවය මත ක්රියාත්මක කර ඇති බවයි.