අහංගම ප්‍රදේශයේදී සිදුකළ වෙඩිතැබීමකින් පුද්ගලයෙකු ජීවිතක්ෂයට පත්ව තවත් අයෙක් තුවාල ලබා තිබෙනවා.
පොලීසිය පවසන්නේ අදාළ වෙඩිතැබීම අහංගම ගොවියාපාන ප්‍රදේශයේ අවන්හලක් තුළදී සිදුව ඇති බවයි.
වෙඩි ප්‍රහාරයට ලක්ව මියගොස් ඇත්තේ වයස අවුරුදු 40ක මිදිගම ප්‍රදේශයේ පදිංචි අයෙක්.
ඔහු මීට මාස දෙකකට පෙර බන්ධනාගාර ගතව සිට නිදහස ලබා පැමිණි අයෙකු බව පොලීසිය පවසනවා.
විදුලිය විසන්ධි වී තිබු අවස්ථාවක අදාළ අවන්හලට පැමිණි සැකකරුවන් වෙඩි තැබීම සිදුකර පළාගොස් ඇති බව වාර්තා වනවා.
ඊයේ රාත්‍රියේ සිදුවූ මෙම වෙඩිතැබීම හේතුවෙන් තුවාල ලැබූ අනෙක් පුද්ගලයා කරාපිටිය රෝහලට ඇතුලත් කෙරුණා.
එම අවන්හලේ මුදල් අයකැමිවරයා වන ඔහුගේ වයස අවුරුදු 19 ක්.
