ගෘහස්ථ ගෑස් සිලින්ඩර සඳහා මිල සූත්රයක් හඳුන්වා දීමට කටයුතු කරන බව ලාෆ්ස් ගෑස් සමාගම නිවේදනය කරනවා.
එම සමාගමේ සභාපති ඩබ්ලිව්.කේ.එච්. වෑගපිටිය මහතා රූපවාහිනී වැඩසටහනකට එක්වෙමින් කියා සිටියේ පවතින ප්රවණතාවයට අනුව ලබන මාසය වනවිට ගෑස් මිල අඩුවනු ඇතැයි ගණන් බලා ඇති බවයි.
සමාගමට එවැනි සහනයක් ලැබෙන පළමු මාසය තුළම සිය ස්වාධීන මිල සූත්රය හඳුන්වා දීමට අදහස් කරන බව වෑගපිටිය මහතා සදහන් කරනවා.
“මිල පහත වැටීමට සමගාමීව ගෑස් මිල අඩු කරන සහ ගෑස් මිල වැඩිවීමට අනුකූලව වැඩි කරන ක්රමයක් අනුගමනය කරන එකම සංවිධානය ලාෆ්ස් සමාගමයි” යනුවෙන් ඔහු මෙහිදී පවසා සිටියා.
පාරිභෝගික කටයුතු අධිකාරිය විසින් අත්යාවශ්ය භාණ්ඩ ලැයිස්තුවෙන් පසුගියදා ගෘහස්ථ ගෑස් සිලින්ඩර ඉවත් කර ඇති බවත්, ඒ හේතුවෙන් එම නිෂ්පාදනය සඳහා උපරිම සිල්ලර මිලක් තීරණය කිරීමට අධිකාරියට නොහැකි බවත් වෑගපිටිය මහතා පෙන්වා දෙනවා.
ලාෆ්ස් ගෑස් සිලින්ඩරය ආශ්රිතව අනතුරක් සිදුවුවහොත් එවැනි සිදුවීම් සඳහා රක්ෂණාවරණයක් ලබාදීමේ ක්රමවේදයක්ද ඔවුන් සතුව පවතින බවද වෑගපිටිය මහතා වැඩිදුරටත් සදහන් කරනවා.