ඉදිරි වසර සඳහා රජය අපෙක්ෂා කරන ආනයන වියදම අ.ඩො.බි. 22ක් බවත්, අපනයන ආදායම අ.ඩො.බි. 12ක් බවත් ඒ හේතුවෙන් වෙළඳ ශේෂය ලෙස අ.ඩො.බි 10ක් ඇතිවිය හැකි බවත් ජනාධිපති ගෝඨාභය රාජපක්ෂ මහතා පවසනවා.
කෙසේ වෙතත් වෙළද ශේෂය අවම කරගැනීමේ මාර්ග ලෙස ඉදිරි වසරේදි සංචාරක කර්මාන්තයෙන් අ.ඩො.බි. 3ක ආදායමකුත්, විදෙස්ගත ශ්‍රමිකයින්ගේ ප්‍රේෂණ ලෙස අ.ඩො.බි. 3 කුත් අපෙක්ෂා කරන බව ජනාධිපතිවරයා ජාතිය අමතමින් සඳහන් කළා.
ඒ අනුව හිඟ වෙළද පරතරය අ.ඩො.බි. 05ක් පමණ වියහැකි යැයි රජය අපෙක්ෂා කරන බවයි ජානාධිපතිවරයා වැඩිදුරටත් සඳහන් කරන්නේ.
එමෙන්ම මෙම වර්ෂය තුළදී ශ්‍රී ලංකාව ණය වාරික හා ස්වෛරි බැදුම්කර සඳහා අ.ඩො.බි. 6.9ක් ගෙවීය යුතු බව ජනාධිපති ගෝඨාභය රාජපක්ෂ මහතා පවසනවා.
කෙසේ වෙතත් මෙම වසරේදි ආයෝජන හා ණය ආධාර තුළින් අ.ඩො.බි. 2.5ක මුදලක් මෙරටට ලැබෙතැයි රජය අපෙක්ෂා කරන බව ජනාධිපතිවරයා කළ විශේෂ ප්‍රකාශයේ සඳහන්.
එමෙන්ම අමෙරිකානු ඩොලරයට සාපෙක්ෂව රුපියල නම්‍යශීලි කිරීමට රජය ගත් පියවර සමඟ ඉදිරි වසරේදි අපේක්ෂිත ආනයන වියදම අ.ඩො.බි. 22 සිට 20 දක්වා අඩුවිය හැකි බවත් අපේක්ෂිත අපනයන ආදායම අ.ඩො.බි. 12 සිට 13 දක්වා වැඩිවිය හැකි බවත් ජනාධිපතිවරයා ජාතිය අමතා ප්‍රකාශ කළා.
