තමා මන්ත්‍රීවරුන් බාගැනීමේ උත්සහයක නිරත නොවන බව බදුල්ල දිස්ත්‍රික් ශ්‍රී ලංකා පොදුජන පෙරමුණු පාර්ලිමේන්තු මන්ත්‍රී චාමර සම්පත් දසනායක පවසනවා.
ඒ, අද (08) දින පාර්ලිමේන්තුව අමතමින්.
තමාට අග්‍රාමාත්‍ය ධූරය අනවශ්‍ය බවත් ඉංග්‍රීසි දැනුමක් නොමැති, ජාත්‍යන්තරය ගැන අවබෝධයක් නොමැති තමාට රට හැදීමට නොහැකි නිසා අවශ්‍ය නම් ඌවේ මහ ඇමති ධූරය නැවතත් දැරිය හැකි බව මන්ත්‍රීවරයා පවසනවා.
2015 වසරේ ජනාධිපතිවරණයෙන් පරාජය වූ මහින්ද රාජපක්ෂව බැහැ දැකීමට ලක්ෂ ගණනින් පැමිණි ජනතාවම හෙට දිනයේ ලක්ෂ ගණනින් කොළඹට පැමිණ විරෝධතා පැවැත්වීමට සූදානම් වීම සම්බන්ධ යතාර්ථය අවබෝධ කරගත යුතුව ඇති බවත් ජනතාවගේ හැසිරීම පක්ෂ – විපක්ෂ භේදයකින් තොරව හඳුනාගත යුතුව ඇති බවත් ඔහු පෙන්වා දෙනවා.
එමෙන්ම, දේවාලයකට යන්නාක් මෙන් ලක්ෂ ගණනින් කාල්ටන් නිවසට පැමිණි ජනතාවම ලක්ෂ ගණනින් කාල්ටන් නිවස වට කළ බවයි ඔහු පවසන්නේ.
තමා නැවත පාර්ලිමේන්තුවට පැමිණෙන්නේ පාර්ලිමේන්තුව ස්ථාවර වූ විට පමණක් බවත් ඔහු අවධාරණය කර සිටියා.
