28 C
Colombo
Friday, May 31, 2024
spot_img

මට ඉල්ලා අස්වෙන්න කිව්වෙ නැහැ – කබ්රාල්

- Advertisement -

ජනාධිපති ගෝඨාභය රාජපක්ෂ මහතා තමන්ට මහබැංකු අධිපති ධූරයෙන් ඉල්ලා අස්වන ලෙස නියෝග කල බවට පැතිර යන කටකතා අසත්‍ය බව මහබැංකු අධිපති අජිත් නිවාඩ් කබ්රාල් මහතා පවසනවා.

ඔහු පවසන්නේ තමන් හට මේ වන තෙක් එවැනි ඉල්ලීමක් නොලැබුණු බවත් තවදුරටත් තමන් මහබැංකු අධිපති ධූරයේ කටයුතු කරන බවත්ය.

පවත්නා දැඩි ආර්ථික අර්බුදය හමුවේ ජාත්‍යන්තර මූල්‍ය අරමුදලේ (IMF) සහය ලබාගැනීමට රජය තීරණය කර තිබුණා.

කෙසේවෙතත් මහබැංකු අධිපතිවරයාගේ අදහස වූයේ ජාත්‍යන්තර මූල්‍ය අරමුදලේ සහය ලබාගැනීමට රජය ක්‍රියානොකල යුතු බවයි.

මේ හේතුවෙන් මුදල් අමාත්‍යවරයා හා මහබැංකු අධිපතිවරයා අතර විරසකයක් හටගෙන ඇතිබවට මාධ්‍ය වාර්තා පලකෙරුණා.

අමාත්‍ය ධූරය අහිමිවූ විමල් වීරවංශ මහතා අතුළු කණ්ඩායම පවත්වන ලද ප්‍රවෘත්ති සාකච්ඡාවේදීද පැවසුණේ මහබැංකු අධිපතිවරයා හා මුදල් අමාත්‍ය බැසිල් රාජපක්ෂ මහතා අතර ආර්ථික කරුණු සම්බන්ධයෙන් කිසිදු සන්නිවේදනයක් සිදු නොවන බවයි.

පසුගියදා ජාත්‍යන්තර මූල්‍ය අරමුදලේ නිලධාරීන් මෙරටට පැමිණ මුදල් අමාත්‍ය බැසිල් රාජපක්ෂ මහතා හා ජනාධිපතිවරයා අතර සාකච්ඡා පැවැත්වුවද එම කිසිදු සාකච්ඡාවකට මහබැංකු අධිපති අජිත් නිවාඩ් කබ්රාල් මහතා සහභාගී නොවීමද විශේෂත්වයක්.

පසුව මාධ්‍ය වෙත අදහස් දක්වමින් කබ්රාල් මහතා පැවසුවේ ජාත්‍යන්තර මූල්‍ය අරමුදල සමඟ මෙරට රජය සාකච්ඡා පවත්වන්නේ ණය ප්‍රතිව්‍යුහගත කිරීමේ අරමුණින් නොවන බවයි.

කෙසේ වෙතත්, ජනාධිපති ගෝඨාභය රාජපක්ෂ මහතා ඊයේ (16) සවස ජාතිය අමතමින් කළ කතාවේදී පවසා සිටියේ තමන් ජාත්‍යන්තර මූල්‍ය අරමුදල සමඟ සාකච්ඡා කරමින් සිටින බවත්, වාසි සහ අවාසි පිළිබඳව සොයා බලා ඔවුන් සමඟ දිගටම කටයුතු කිරීමට තීරණය කළ බවත්ය.

මේ අනුව කබ්රාල් මහතාගේ මූල්‍ය උපායන් හා රජයේ මූල්‍ය උපායන් එකිනෙක ගැටෙන පරිසරයක් තුළ ඔහුගේ ධූරය තව කොපමණ කාලයක් රැදී තිබේදැයි ගැටළුවක් පැනනැගී තිබෙනවා.


RECENT ARTICLES - SINHALA

පාලිතගෙන් සඳුදා විශේෂ ප්‍රකාශයක්

ජනමත විචාරණයක් පැවැත්වීම සම්බන්ධයෙන් සහ පාර්ලිමේන්තුවේ සහ ජනාධිපති ධුර කාලය වසර දෙකකින් දිගු කිරීම සම්බන්ධයෙන් තමා කළ ප්‍රකාශය ගැන ලබන සඳුදා(03)විශේෂ ප්‍රකාශයක් සිදුකරන බව...

සහකාර රේගු අධිකාරීවරයෙකු කොටුවේදී අත්අඩංගුවට

නීතිවිරෝධී ලෙස ගෙන්වන ලද විදෙස් දුම්වැටි තොගයක් සමග සහකාර රේගු අධිකාරිවරයෙකු අත්අඩංගුවට ගෙන තිබෙනවා. කොළඹ මධ්‍යම දූෂණ අපරාධ කාර්යාංශය විසින් සැකකරු මෙලෙස කොළඹ කොටුව ප්‍රදේශයේදී...

රටබීම හලක කළමනාකරු ඝාතනය කරලා

බිබිල නගරයේ පිහිටි රටබීම අලෙවිසැලක කළමනාකාරවරයකු එහි පහත මාලයේ ඝාතනය කර තිබියදී ඔහුගේ සිරුර අද (30) සොයාගත් බව බිබිල පොලිසිය පවසයි. මෙසේ ඝාතනය කර ඇත්තේ...

POPULAR ARTICLES

උසස් පෙළ ප්‍රතිඵල එන දිනය මෙන්න

අධ්‍යන පොදු සහතික පත්‍ර උසස් පෙළ 2023 විභාගයේ ප්‍රතිඵල අනිද්දා (31) නිකුත් කරන බව අධ්‍යාපන අමාත්‍ය සුසිල් ප්‍රේමජන්ත මහතා පවසනවා. 2023 උසස් පෙළ විභාගය සඳහා...

උසස් පෙළ දරුවන්ට සුබ පණිවිඩයක්

අ.පො.ස. (උසස් පෙළ) සඳහා තොරතුරු හා සන්නිවේදන තාක්ෂණය විෂයයක් ලෙස හදාරන ශිෂ්‍ය ශිෂ්‍යාවන් වෙනුවෙන් ශ්‍රී ලංකා විදුලි සංදේශ නියාමන කොමිෂන් සභාව සහ ජනාධිපති අරමුදල...

අනධ්‍යයන කාර්ය මණ්ඩල වෙත අධ්‍යාපන අමාත්‍යාංශයෙන් නිවේදනයක්

අනධ්‍යයන කාර්ය මණ්ඩල වෘත්තිය සමිති දැනට පවත්වාගෙන යන වෘත්තිය ක්‍රියා මාර්ගයෙන් ඉවත්වන ලෙස අධ්‍යාපන අමාත්‍යාංශය ඉල්ලීමක් සිදුකර තිබෙනවා. නිවේදනයක් නිකුත් කරමින් අධ්‍යාපන අමාත්‍යාංශය පවසන්නේ වෘත්තිය...