තමා දන්නා මංගල සමරවීර හට චරිත 3ක් තිබූ බව හිටපු අග්‍රාමාත්‍ය රනිල් වික්‍රමසිංහ මහතා පවසනවා.
ඒ, මංගල සමරවීර මහතාගේ අභාවය පිළිබඳව පාර්ලිමේන්තුවේදී ශෝකය පළ කිරීමේ අවස්ථාවට එක් වෙමින්.
1989 සිට 2005 දක්වා ඔහුගේ පළමු චරිතය පැවති බවත් එහිදී මහින්ද රාජපක්ෂ මහතාගේ ජයග්‍රහණය වෙනුවෙන් ඔහු ඉමහත් කාර්‍යයක් සිදුකළ බවත් රනිල් වික්‍රමසිංහ මහතා පවසනවා.
එක්සත් ජාතික පක්ෂය සමඟ එක් වීමෙන් පසුව ඔහුගේ දෙවන චරිතය ක්‍රියාත්මක වූ බවත් එම සමයේදී ඔහු හඳුන්වා දුන් මිල සූත්‍රය අදටත් පැවතියේ නම් වත්මන් ගැටළු වලට මුහුණ දීමට රටට සිදු නොවනු ඇති බවට තමා විශ්වාස කරන බවත් ඔහු පවසනවා.
මංගල සමරවීර මහතා දේශපාලනයෙන් ඉවත් වීමට තීරණය කිරීමෙන් පසු කාලයේ ඔහුගේ දෙවන චරිතය පැවති බවත් වත්මන් පක්ෂ දේශපාලනය හරහා රටට යහපතක් කිරීමට නොහැකි බව මංගල සමරවීර මහතා තමාට පැවසූ බවත් රනිල් වික්‍රමසිංහ මහතා පවසනවා.
