චීන කොමියුනිස්ට් පක්ෂයේ සියවැනි සංවත්සරය වෙනුවෙන් ජාතිය ආමන්ත්රණය කළ චීන ජනාධිපති ෂී ජිංපිං අවධාරණය කළේ තම රටේ ක්රියා සඳහා මැදිහත්වීමට හෝ හිරිහැර කිරීමට විදෙස් බලවතුන් උත්සාහ කළහොත් ඔවුන්ගේ ඔළු කුඩුවිය හැකි බවයි.
එමෙන්ම චීන ජනාධිපතිවරයා පවසන්නේ අනවශ්ය දේශනා වලට සවන්දීමට තම රට සූදානම් නැති බවයි.
චීනයේ පරිපාලන කලාපයක් වන හොංකෙං හි වැසියන්ගේ මානුෂීය අයිතීන් උල්ලංඝනය කරන බවට අමෙරිකාව ප්රමුඛ බටහිර රටවල් පසුගිය කාලය පුරාවටම චීනයට දැඩි ලෙස චෝදනා එල්ල කළා.
මේ නිසා විදෙස් විශ්ලේෂකයින් පෙන්වා දෙන්නේ චීන ජනාධිපතිවරයා අමෙරිකාව ඉලක්ක කර එම ප්රකාශය සිදුකළ බවයි.
1921 වසරේ දී පිහිටවු චීන කොමියුනිස්ට් පක්ෂය සැලකෙන්නේ ලොව පැරණිතම සහ බලවත්ම දේශපාලන පක්ෂය ලෙසයි.
වසර 72ක් පුරා චීනයේ පාලන බලය හොබවන්නේද චීන කොමියුනිස්ට් පක්ෂයයි.
පක්ෂ සංවත්සරයට සමගාමීව චීනයේ සැමරුම් උත්සව අවස්ථා රැසක්ද පැවැත්වුණා.