ගාලුමුවදොර අරගලය ආරම්භයේ සිටම අරගලකරුවන්ට කොළඹ තරු හෝටලයකින් දිනපතා ආහාර ලබා දී ඇතැයි කියන සිද්ධියක් සම්බන්ධයෙන් පොලීසිය මූලික විමර්ශනයක් ආරම්භ කර ඇති බවට තොරතුරු වාර්තා වනවා.
ඒ අනුව පොලීසිය සදහන් කරන්නේ අදාළ හෝටලයෙන් අරගලකරුවන්ට දිනකට ආහාර පාර්සල් 500- 600 ක ප්‍රමාණයක් ලබාදුන් බවට මේ වන විට කරුණු වාර්තා වී ඇති බවයි.
එම හෝටලය මෑතක් වන තුරුම අරගලකරුවන්ට ආහාර ලබාදී ඇති බවද පොලීසිය සදහන් කරනවා.
මෙම ආහාර පාර්සල් නොමිලේ ලබා දුන්නේ ද , නැතහොත් කිසියම් සංවිධානයක් විසින් ඇනවුම් කර මේවා ලබා දුන්නේද යන්න හෙළිකර ගැනීම සඳහා විමර්ශන ආරම්භ කර ඇති බවයි වාර්තා වන්නේ.
පොලිස් ආරංචි මාර්ග පවසන්නේ පොලිසිය මගින් අත්අඩංගුවට ගෙන සිටි අරගලකරුවෙකුගෙන් ප්‍රශ්න කිරීමකදි මේ බව හෙළිවී ඇති බවයි.
