මහින්දානන්ද අලුත්ගමගේ හිටපු අමාත්යවරයාගේ දික්කසාද නඩු වාර්තාවට අදාලව ඔහුගේ වත්කම් සහ දේපළ සම්බන්ධ වාර්තාවක් ඉදිරිපත්ව ඇති බව ජනතා විමුක්ති පෙරමුණේ නායක අනුර කුමාර දිසානායක පවසනවා.
ඒ, අද (03) දින පදනම් ආයතනයේදී පැවැත්වෙන ‘රට වනසපු හොරු වළල්ල තොග පිටින් හෙළිදරව්ව’ නම් විශේෂ මාධ්ය හමුව අමතමින්.
“මේකෙ තියෙනවා සිංගප්පූරුවේ ගිණුම් දෙකක විස්තර. ඒකේ ඩොලර් ලක්ෂ 5කට අධික මුදලක් තියෙනවා. ඩොලර් වලින්. කොහොමද ඩොලර් උපයගත්තෙ කියන එක ගැන පරීක්ෂණ විය යුතුයි. ඒ වගේම කටුනායක ගුවන් තොටුපොළේ කඩ දෙකක් ඔහුට තියෙනවා. මේවාට ධනය උපය ගත්තෙ කොහොමද කියලා හෙළි විය යුතුයි. මොකද ඔයාලා කාටවත් එයාපෝට් එකේ කඩ දෙකක් දාන්න පුළුවන් ද? මේකේ නාවල ඉඩම් ගැන තියෙනවා. නාවලපිටියෙ ඉඩම් පිළිබඳව තියෙනවා. මහනුවර ඉඩම් පිළිබඳව තියෙනවා.”