32 C
Colombo
Monday, February 26, 2024

සජබෙ අන්තර්කාලීන ආණ්ඩුවකට එකඟවෙයි

- Advertisement -

මෙතෙක් කල් අන්තර්කාලීන ආණ්ඩුවකට දිගින් දිගටම විරෝධය පලකළ සමගි ජනබලවේගය පක්ෂය මේ වන විට ඊට එකඟවී ඇති බවට News19 වෙත තොරතුරු වාර්තා වනවා.

මේ පිළිබදව අවසන් සාකච්ඡාව ඊයේ (24) සමගි ජනබලවේගය පක්ෂයේ ආර්ථික කමිටු රැස්වීමේදී ගෙන තිබෙනවා.

එහිදී පවත්නා ආර්ථික අර්බුදයෙන් ගොඩඒම සඳහා මාස 06 ක අන්තර්කාලීන ආණ්ඩුවක් පිහිටුවීමටත් ඊට ආර්ථික විශේෂඥයින්ගේ සහය ගැනීමටත් සාකච්ඡාවී තිබෙනවා.

කෙසේවෙතත් මීට පෙර සමගි ජනබලවේගය පක්ෂයේ නායක සජිත් ප්‍රේමදාස මහතා සඳහන් කර සිටියේ සක්විති රජකම ලැබුණද අන්තර්කාලීන ආණ්ඩුවකට කිසිසේත්ම එකඟ නොවන බවයි.

ඊයේ පැවති සාකච්ඡාවේදී පාර්ලිමේන්තු මන්ත්‍රී හර්ෂ ද සිල්වා මහතා අදහස් දක්වමින්, මේ මොහොතේ රට ගොඩගැනීම පක්ෂයේ මූලික අරමුණ විය යුතු බවත් ඒ සඳහා වන වැඩපිළිවෙලක් ආණ්ඩුවන් හෝ ඉදිරිපත් වන්නේ නම් තමන් ඊට වුවද සහය දක්වන බවත් පවසා තිබෙනවා.

හරීන් ප්‍රනාන්දු මහතාද අදහස් දක්වමින් සදහන් කර ඇත්තේ රට මුහුණ පා තිබෙන දැවැන්ත ආර්ථික අර්බුදය විසදීම සඳහා මේ මොහොතේ පක්ෂ දේශපාලනයෙන් බැහැරවූ ක්‍රියාමාර්ගයකට එකඟවීමට සිදුවන බවයි.

පසුව සමගි ජනබලවේගය සිය අවසාන තීරණය වශයෙන් මාස 06 කාලයක් සඳහා අන්තර්කාලීන ආණ්ඩුවක් පිහිටුවීමටත් ඉන් අනතුරුව එය තවත් දීර්ඝ කරන්නේද මැතිවරණයකට යන්නේද යන්න ඒ මොහොතේ තීරණය කිරීමටත් යන එකඟතාවයට එළැඹ තිබෙනවා.

කෙසේවෙතත් අන්තර්වාර ආණ්ඩුවක් පිහිටුවන්නේ නම් ඊට පෙර 21 වන ව්‍යවස්ථා සංශෝධනය පාර්ලිමේන්තුවට ඉදිරිපත් කර සම්මත කරගැනීම අත්‍යාවශ්‍ය බවද මෙහි කොන්දේසියක් ලෙස ඉදිරිපත් කර ඇති බවයි වාර්තා වන්නේ.

අන්තර්වාර ආණ්ඩුව නායකත්ව මණ්ඩලයකින් සමන්විත විය යුතු අතර එහි අමාත්‍ය ධූර ඒ ඒ විෂයන්හී ප්‍රවීණයන්ගෙන් සමන්විය යුතු බවටද යෝජනා වී තිබෙනවා.

මේ අතර ජනාධිපති ගෝඨාභය රාජපක්ෂ මහතා, ත්‍රෛනිකායික මහ නාහිමිවරුන් වෙත ලිපියක් යොමුකරමින් අන්තර්වාර පාලනයක් ඇති කිරීම සඳහා සිය කැමැත්ත පළ කර ඇති බව අස්ගිරි පාර්ශවයේ ලේඛකාධිකාරී පූජ්‍ය මැදගම ධම්මානන්ද හිමියන් පවසනවා.

නමුත් මේ වන විට රට පුරා විරෝධතා පවත්වමින් පාරට බැස සිටින ජනතාව ඉල්ලා සිටින මූලික ඉල්ලීම වන්නේ ජනාධිපති ගෝඨාභය රාජපක්ෂ ඇතුළු රාජපක්ෂ පවුලේ සියලුම දෙනා ගෙදර යායුතු බවයි.


RECENT ARTICLES - SINHALA

සීනි සමාගමේ මැෂින් දෙකක් යකඩ බඩු කඩයකට විකුණලා

සෙවණගල සීනි සමාගමේ කාපට් මැෂින් දෙකක් හොරකම් කර පරණ යකඩවලට විකුණා තිබියදී එහි ආරක්ෂක අංශය විසින් සොයා ගෙන සෙවණගල පොලිසියට භාර දී ඇති බව...

තැඹිලි ගෙඩියක් රුපියල් 2000 කට දෙන්න සැලසුමක්

තැඹිලි ගෙඩියක් රුපියල් 2000ක මුදලකට අපනයනය කිරීමේ වැඩ පිළිවෙළක් අරඹා ඇතැයි කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා පවසනවා. අපනයනය ඉළක්ක කර ගනිමින් තැඹිලි...

බලපත්‍ර නැති ඖෂධ හලකට සීල් තියලා

පුත්තලම නගරයේ බලපත්‍ර නොමැතිව ඖෂධ අලෙවි කිරීමේ ස්ථානයක් වටලා රුපියල් ලක්ෂ 10 කට අධික ඖෂධ තොගයක් සිය භාරයට ගත් බව ජාතික ඖෂධ නියාමන අධිකාරීයෙ නීතිය බල...

POPULAR ARTICLES

අධික උණුසුම අඩු වෙන මාසය ගැන දැනුම් දීමක්

මාර්තු මාසය දක්වා උෂ්ණත්වය අඩු වැඩි වශයෙන් පවතින බව කාලගුණ විද්‍යා දෙපාර්තමේන්තුව පවසනවා. දිවයිනේ වැඩිම උෂ්ණත්වය ඊයේ උදෑසන 8.30 න් අවසන් වූ පැය 24 තුළ...

පාසල් විෂයන් ගණන අඩුවෙන්නේ මෙහෙමයි

06 වන ශ්‍රේණියෙන් ඉහළ දරුවන්ට දැනට පාසලේදී හැදෑරීමට ඇති අනිවාර්ය විෂය සංඛ්‍යාව ඉදිරියේ දී විෂයන් 07ක් දක්වා අඩු කිරීමට පියවර ගන්නා බව අධ්‍යාපන අමාත්‍ය...

ගංගාරාම පෙරහැරේ අලි කුලප්පුවක් (වීඩියෝ)

කොළඹ, හුණුපිටිය ගංගාරාම විහාරස්ථානයේ නවම් මහා පෙරහැර 45 වන වරටත් ඊයේ (23) රාත්‍රීයේ වීථි සංචාරය කිරීම ආරම්භ කෙරුණා. එහිදී හදිසියේම පෙරහැරේ ගමන් කළ අලින්...