ගාලු මුවදොර අභියස ක්‍රියාත්මක ආණ්ඩු විරෝධී අරගලයට සහයදක්වමින් කතාවක් පැවැත්වූ පොලිස් නිලධාරියාට මීට පෙර විෂමාචාර චෝදනා රැසක් ඇති බව පොලීසිය නිවේදනය කරනවා.
ඊයේ (14) ගාලු මුවදොරට පැමිණ පොලිස් නිල ඇඳුමෙන්ම අරගලයට සහය පලකර කතාවක් පැවැත්වීම හේතුවෙන් ඔහුව අත්අඩංගුවට ගෙන තිබෙනවා.
පොලීසි සදහන් කරන්නේ මෙම පොලිස් සැරයන්වරයා කුට්ටිගල පොලි්ස ස්ථානයට අනුයුක්තව රාජකාරී කරනු ලබන ඩබ්ලිව්.එම්.අමරදාස බවට හදුනාගෙන ඇති බවයි.
1989 වසරේ පොලිස් සේවයට බැදුනු ඔහු විවිධ පොලිස් ස්ථානවල සේවය කරමින් සිටියදී විෂමාචාර චෝදනාවලට හසුවීම නිසා දඩුවම් ලබා හා වැඩ තහනමට ලක්ව ඇති නිලධාරියෙක් බව පොලීසිය නිවේදනය කරනවා.
1999 වසරේදී නීති විරෝධී ලෙස දැව ප්‍රවානයක කිරීමක් සම්බන්ධයෙන් පවත්වන ලද පරීක්ෂණයක් අවසානයේ දඩුවම් ලබා ඇති බවත් 2013 වසරේදී නීති විරෝධී ලෙස ගංජා සන්තකයේ තබාගැනීමක් සම්බන්ධයෙන් ගොඩකවෙල පොලිස් ස්ථානය මගින් අත්අඩංගුවට ගෙන අධිකරණයට ඉදිරිපත් කිරීමෙන් අනතුරුව වැඩතහනමට ලක්වූ පුද්ගලයෙක් බවත් නිවේදනයේ සදහන්.
පසුව අතිශය සානුකම්පිත හේතූන් මත නැවත සේවයේ පිහිටුවීමට කටයුතු කළ බවද පොලීසිය පවසනවා.
