ශ්‍රී ලංකා මහ බැංකුව සඳහා නව අධිපතිවරයෙකු පත් කිරීම පිළිබඳව සංසරණය වන මාධ්ය වාර්තා සම්බන්ධයෙන් රජය විසින් පැහැදිලි කර තිබේ.
මුදල් හා ප්‍රාග්ධන වෙළෙඳපළ සහ රාජ්‍ය ව්‍යවසාය ප්‍රතිසංස්කරණ රාජ්‍ය අමාත්‍ය අජිත් නිවාඩ් කබ්රාල් මහතා මහ බැංකුවේ නව අධිපතිවරයා ලෙස දිවුරුම් දීමට නියමිත බවත් මහ බැංකු අධිපතිවරයා ලෙස දිවුරුම් දීම සඳහා කබ්රාල් මහතා සිය අමාත්‍ය ධුරයෙන් ඉවත් වී, පාර්ලිමේන්තු මන්ත්රී ධුරයෙන් ඉල්ලා අස්වීමට ද සූදානම් වන බවත් මාධ්ය වාර්තා කිහිපයක සඳහන් විය.
කෙසේ වෙතත්, අද පැවති කැබිනට් මණ්ඩල රැස්වීමේදී මේ පිළිබඳව අදහස් දක්වමින් සම කැබිනට් ප්‍රකාශක අමාත්‍ය රමේෂ් පතිරණ මහතා කියා සිටියේ ශ්‍රී ලංකා මහ බැංකුවට නව අධිපතිවරයෙකු පත් කිරීම සම්බන්ධයෙන් මෙතෙක් ස්ථිර තීරණයක් ගෙන නොමැති බවයි.
“ඇත්ත වශයෙන්ම එය අවසන් කර නෑ. ඒ ගැන මට ප්‍රකාශ කරන්න පුළුවන් එපමණයි, යැයි ”ඔහු අද (08) මාධ්‍යවේදීන් අමතමින් පැවසීය.
මීට පෙර, මේ සම්බන්ධයෙන් ඩේලි මිරර් පුවත්පත විසින් කල විමසීමකදී රාජ්‍ය ඇමති අජිත් නිවාඩ් කබ්රාල් විසින් එම පුවත තහවුරු කළේ හෝ ප්‍රතික්ෂේප නොකළ බව පුවත්පත වාර්තා කරන ලදි.
කබ්රාල් මහතා මීට පෙර 2006 ජූලි 1 දින සිට 2015 ජනවාරි 9 දින සිය ධුරයෙන් ඉල්ලා අස්වන තුරු ශ්‍රී ලංකා මහ බැංකුවේ අධිපති ලෙස කටයුතු කර ඇත.
