බුද්ධ පූජාව තැබීමේදී දෙතිස් ව්‍යාංජන තැබීමට රජකල රාජ නියෝගයෙහි සදහන් වූ බව විශේෂඥ වෛද්‍ය අනුරුද්ධ පාදෙනිය මහතා පවසනවා.
බෞද්ධයා රූපවාහිනී නාලිකාවේ පැවති ‘ආර්ය කතිකාව’ නැමැති වැඩසටහනට සහභාගී වෙමින් ඒ මහතා මෙම අදහස් පලකළා.
එකල රටෙහි පාලකයා වූ රජතුමාගේ ආහාරය සඳහා විවිධත්වයෙන් යුතු විශාල ව්‍යාංජන ප්‍රමාණයක් එක් කරන අතර ඒ තුළින් ඔහුගේ සිරුරට අවශ්‍ය ක්ෂුද්‍ර පෝෂක අවශ්‍යතාවය සපුරාගත් බවයි පාදෙනිය මහතා පෙන්වා දෙන්නේ.
ඒ අනුව රාජ නියෝගය වූයේ බුද්ධ පූජාවද දෙතිස් ව්‍යාංජන සහිතව එනම්, ආහාර වර්ග 32 කින් යුක්තව පැවැත්විය යුතු බවයි.
මේ මඟ යමින් තවමත් ශ්‍රී දළදා මැදුරේ බුද්ධ පූජා පිංකම පැවැත්වෙන බව පාදෙනිය මහතා පවසනවා.
විවිධත්වයකින් යුත් ආහාර වේලක් ගැනීම තුළින් කායික හා මානසික නිරෝගී භාවය ලැබෙන බැවින් සංඝයා හට දන් වේලක් පිළිගැන්වීමේදී මේ ආකාරයෙන් විවිධත්වයෙන් යුත් දාන වේලක් පිළිගැන්වීම ගිහි සමාජයේ වගකීම බව විශේෂඥ වෛද්‍ය අනුරුද්ධ පාදෙනිය මහතා වැඩිදුරටත් සදහන් කරනවා.
