මෙරට ඇති ආර්ථික මරමස්ථාන අඩාලවීම වැළැක්වීම සඳහා ආයතන කිහිපයක් වැඩවර්ජනය කිරීම තහනම් කරමින් නීති රීති ගෙනආ යුතු බව අධිකරණ අමාත්‍ය අලි සබ්රි මහතා පවසනවා.
ඒ අනුව වරාය අධිකාරිය, ශ්‍රී ලංකා රේගුව, ජලසම්පාදන හා ජලාපවහන මණ්ඩලය, විදුලිබල මණ්ඩලය, ලංකා ඛනිජ තෙල් නීතිගත සංස්ථාව හා රජයේ වෛද්‍ය නිලධාරීන්ගේ සංගමය යන ආයතනවල වෘත්තීය සමිති හට වැඩවර්ජනය කිරීමට කිසිදු බලයක් ලබා නොදිය යුතු යැයි අධිකරණ අමාත්‍යවරයා පෙන්වා දෙනවා.
අලි සබ්රි මහතා පවසන්නේ නව ව්‍යවස්ථාවෙන් හෝ මේ සදහා අවශ්‍ය කෙරෙන නීති සම්පාදනය කළ යුතු බවයි.
සුළු කරුණකටත් මෙම ආයතනවල වෘත්තීය සමිති වැඩවර්ජනය කරමින් ජනතාවගේ ජීවිත සමඟ සෙල්ලම් කිරීම මේ හරහා නවතා දැමිය යුතු බව අමාත්‍යවරයා පවසනවා.
ජනාධිපතිවරයාද මීට වඩා දැඩි පුද්ගලයෙකු විය යුතු බවත් වත්මන් ජනාධිපතිවරයාගෙන් ජනතාව බලාපොරොත්තු වූයේද එවැනි තද තීන්දු බවත් ඔහු පෙන්වා දෙනවා.
