පාර්ලිමේන්තු රැස්වීම් පැවැත්වෙන දිනයන්හීදී ඊට සහභාගි වන ඇතැම් මන්ත්‍රීවරුන්ට යළි තම නිවසට යාම සඳහා ඉන්ධන නොමැති බව තමන්ට දැනුම් දුන්නැයි කතානායක මහින්ද යාපා අබේවර්ධන මහතා අද (19) පාර්ලිමේන්තුවට දැනුම් දුන්නා.
ඒ අනුව ඔවුන්ට ලැගුම් ගැනීමට හෝටලයක් වෙන්කර දෙන ලෙසට තමන්ගෙන් ඉල්ලීමක් කළ බවද පවසා සිටියා.
මන්ත්‍රීවරුන්ට විවිධ ඉන්ධන පිරවුම් හල් වෙත ගොස් ඉන්ධන ලබාගැනීමේදී ආරක්ෂාවේ ගැටළුවක් ඇතිවේ යැයි දැනුම් දුන් බවද කතානායකවරයා මීට පෙර සදහන් කළා.
ඒ අනුව නාරාහේන්පිට පොලිස් ප්‍රවාහන කොට්ඨාසය තුළ ඇති ඉන්ධන හලෙන් මන්ත්‍රීවරුන්ට පමණක් ඉන්ධන ලබාගැනීමට මන්ත්‍රීවරුන්ට පහසුකම් සපයන ලෙස කතානායක මහින්ද යාපා අබේවර්ධන මහතා පොලිස්පතිවරයාට දැනුම්දී තිබුණා.
