ඉන්ධන යැයි පවසමින් මුත්රා අලෙවි කළ පුද්ගලයෙක් පිළිබඳ තොරතුරු මීගමුවෙන් වාර්තා වනවා.
ඉන්ධන නොමැතිව මහමඟ පීඩාවට පත්වී සිටි යතුරුපැදිකරුවෙකු පසු එය තල්ලු කරමින් ඉන්ධනහලක් වෙත ගමන් කරමින් සිටියදී තවත් යතුරුපැදියකින් පැමිණෙන පුද්ගලයෙකු ඉන්ධන අවශ්ය දැයි විමසා තමන් සතුව ඉන්ධන ඇති බව පවසා 1,000කට ඉන්ධන මිලිලීටර් 375ක පමණ ප්රමාණයක් ලබාදීමට එකඟ වී ඔහු විසින්ම අදාළ යතුරුපැදිකරුගේ යතුරුපැදියට දමා තිබෙනවා.
පසුව අදාල ගෙවීම කිරීමට ඉන්ධන ලබාගත් පුද්ගලයා විසින් රුපියල් 5,000ක නෝට්ටුවක් ලබාදී ඇති අතර එම නෝට්ටුව අතට ගත් පුද්ගලයා ඉතුරු මුදල් ලබා ගැනීමට අසල පිහිටි අලෙවි සැල වෙත පැමිණෙන ලෙසට පවසා වේගයෙන් එම ස්ථානයෙන් පිටව ගොස් තිබුණා.
අදාළ වංචාව සිදුකළ පුද්ගලයා ‘බල්ලා’ යන අන්වර්ථ නාමයෙන් හඳුන්වන, එම ප්රදේශයේ ප්රසිද්ධ වංචාකරුවෙකු සහ මත්ද්රව්යවලට ඇබ්බැහිවූ පුද්ගලයෙක් බවයි සඳහන් වන්නේ.