ඕස්ට්‍රෙලියාව සමග පැවති තරගයෙන් ගෝල 4 -1 ක විශිෂ්ට ජයක් ලැබීමට වත්මන් ලෝක ශූර ප්‍රංශය Al-Janoub ක්‍රීඩාංගනයේදී සමත් වුණා.
ප්‍රංශය මෙම තරගයට පිවිසියේ තමන් සතු වටිනාම අවිය වූ බැලන් ඩි‘ඕ සම්මානලාභී Karim Benzema නොමැතිවයි.
ඒ පසුගිය සෙනසුරාදා පැවති පුහුණු සැසියක් අතරතුර ආබාධයකට ලක් වීම හේතුවෙන්.
Craig Goodwin තරගයේ 9 වැනි මිනිත්තුවේදි ලබා ගත් ගෝලයත් සමග ලොව පුරා ප්‍රංශුවන්ගේ හදවත් මොහොකට නතර කළා.
නමුත් ලෝක ශූර තමන්ට අභියෝග කරන්නට තවත් සවිමත් විය යුතු බව පසක් කරමින් Adrien Rabiot සහ Olivier Giroud මිනිත්තු පහක් තුල ගෝල දෙකක් ලබා ගනිමින් පළමු අර්ධයේ දී ප්‍රංශය 1 -2 ක් ලෙස පෙරමුණට රැගෙන ආවා.
දෙවන අර්ධයේදී තම දෙපයේ විශිෂ්ටත්වය යළිත් ලොවට පසක් කළ Kylian Mbappe තරගයේ 68 වැනි මිනිත්තුවේදී ගෝලයක් ලබා ගනිමින් තරගය තුල ප්‍රංශය වඩාත් ස්ථාවර කළා
ඉන් මිනිත්තු තුනක් ඉක්ම යන්නට පෙර තරගය තුල තම දෙවැනි ගෝලයත් වාර්තා කළ Giroud ප්‍රංශය වෙනුවෙන් වැඩිම ගෝල රැස් කළ Thierry Henryගේ ගෝල 51ක වාර්තාව සම කරන්නට සමත් වුණා.
ඒ අනුව නියමිත කාලය අවසන වන විට ගෝල 4 – 1ක ජයක් ප්‍රංශය නමින් ලියැවී තිබුණා.
