රත්නපුර – කිරිඇල්ල මාර්ගයේදී පුද්ගලයෙකුට පහරදීමේ සිදුවීමට අදාළව ජ්‍යෙෂ්ඨ නියෝජ්‍ය පොලිස්පති රන්මල් කොඩිතුවක්කු මහතාට එරෙහිව පොලිස් මූලස්ථානය වෙත පැමිණිල්ලක් ඉදිරිපත් කර තිබෙනවා.
අදාළ සිදුවීමෙන් පහරකෑමට ලක්වූ පුද්ගලයා විසින් එම පැමිණිල්ල ඉදිරිපත් කරමින් සඳහන් කර ඇත්තේ රෝහල් ගත වී ප්‍රතිකාර ලැබීමට තරම් තුවාල සහිත පහරදීමක් තමන්ට සිදුකර තිබියදීත් පහරදුන් ජ්‍යෙෂ්ඨ නියෝජ්‍ය පොලිස්පති රන්මල් කොඩිතුවක්කු මහතා මෙතෙක් අත්අඩංගුවට ගෙන නොමැති බවයි.
මේ අතර අදාළ පුද්ගලයාට අහේතුකව සිදුකල පහරදීමෙන් ඔහුගේ මූලික අයිතිවාසිකම් කඩවී ඇතිබව සදහන් කරමින් ශ්‍රේෂ්ඨාධිකරණය ඉදිරියේ නඩුවක් ගොනු කිරීමටද සූදානම් වන බවට තොරතුරු වාර්තා වනවා.
ජ්‍යෙෂ්ඨ නියෝජ්‍ය පොලිස්පති රන්මල් කොඩිතුවක්කු මහතා මීට පෙර අවස්ථාවන් කිහිපයකදිම අශෝභන ලෙස හැසිරීම නිසා ඔහුට ලැබිය යුතු උසස්වීම් පවා අහිමිවී ගිය බව පොලිස් ආරංචි මාර්ග සදහන් කරනවා.
