ආර්ථික දුෂ්කරතාවන් පවතින පවුල්වල දරුවන් සඳහා වාර්ෂිකව අභ්‍යාස පොත් ලබා දීමේ වැඩසටහනක් ඉදිරියේදී ආරම්භ කිරීමට නියමිත බව වාර්තා වනවා.
අභ්‍යාස පොත් සඳහා අධික මිලක් දෙමාපියන්ට දැරීමට සිදු වීම හේතුවෙන් මෙම තීරණය ගෙන ඇති බවයි අධ්‍යාපන අමාත්‍ය සුසිල් ප්‍රේම්ජයන්ත් පවසන්නේ.
මෙම වැඩසටහන රජයේ මුද්‍රණාලය හරහා ක්‍රියාත්මක කිරීමට අමාත්‍යවරයා උපදෙස් ලබා දී ඇති බවත් වෙළෙඳපොලේ අභ්‍යාස පොත් හිඟ අවස්ථාවන්වල දී, මෙම පොත් රජයේ මුද්‍රණාලය මගින් වෙළෙඳපොලට ලබා දීම ද මෙම වැඩසටහනේ එක් අරමුණක් වී ඇති බවත් පැවසේ.
එ අනුව පෙළ පොත් මුද්‍රණය කිරීමට ඉන්දියාවෙන් තීන්ත හා කොළ ගෙන්වීමට ද පියවර ගෙන තිබෙනවා.
එසේ ම ප්‍රාථමික ශ්‍රේණි සඳහා දිවා ආහාර වේලක් ලබාදීම කෙරෙහි ද අධ්‍යාපන අමාත්‍යාංශයේ අවධානය යොමුව තිබෙනවා.
